نحن لما جينا في 30 يونية 1989
لقينا البلد منتهية
صراعات حزبية
واقتصاد منهار
وتهديد خوارج
وبنية تحتية منعدمة لا كباري لا مصانع لا طرق لا جامعات لا مستشفيات
وانقطاعات في الكهرباء والماء
وتفشت الأحقاد في المجتمع بالحزبية والطائفية البغيضة
***
جينا حاربنا كل المذكور اعلاه
والبلد بقت زي ما انتو شايفين هسا كل حاجة فيها
الا الغلاء ودا شيء متأثر بيهو الاقتصاد العالمي
ونحن عايشين في كوكب الارض لازم نتأثر به
***
واذا كان اهملنا في الزراعة الآن عقدنا عزمنا لانعاش القطاع الزراعي
***
ووقعنا امس اتفاقيات مع شركات عالمية للتنقيب عن البترول
***
يجوا الآن بعض شذاذ الآفاق الماشافو وضع السودان كان كيف
وعايزين اغيروا النظام ،،،
نحن بنينا النظام دا 23 عام بشرع الله والتنمية والشهداء والتضحيات
***
العايز اغير النظام خلي "الحس كوعو" أول
***
دول الربيع العربي كلها اتجهت توجه اسلامي
ويا دابهم بقوا يغنوا اناشيد الدفاع الشعبي ،،،
عندنا مكتبة ضخمة منها ،،، خليهم يجو يشترو مننا
***
بنقول لشذاذ الآفاق والاحزاب المتهالكة (علي راي دريمو)
المجاهدين جاهزين ،،،
اعملو جوطتكم وبنسخن معاكم وخلوها تولع
نحن ما بتنازل عن السلطة
والزارعنا غير الله اليجي يقلعنا
والظاهر عليكم ناوين تقسموا البلد اكتر باحتجاجاتكم دي
متمردين في دارفور وجنوب كردفان والنيل الازرق والشرق
منتظرين فوضتكم دي عشان ينفصل الجيش عن المجاهدين ويتقاتلوا
وتنقسم كل الأقاليم ،،، وتدخل الامم المتحدة تثبت دول السودان الجديد
***
الزموا الجابرة وتعالوا نعمل الدستور وانتظروا الانتخابات الجاية
لو في واحد بقدر يفوز علينا فيها نحن بنبارك ليه
لكنكم عشان عارفين الشعب ما عايزيكم ما عايزين تنتظروا لحدي الانتخابات
***
لو عايزن حرب نحن اسيادها وشايفين الشهداء القدامناهم ولسا حنقدم اكتر
ولو عايزين سلام تعالو نبقى اخوان
***
يا ربي كدا خلاص ،،، الصفحة حتفك كدا ؟،،،
سير ،،، سير ،، يا بشير ،،،
