هـــام جدا لكل الاعضاء...المرجوا الدخول....!!!

[صلاح يحيى سليمان]

الاعضاء الكرام

السلام عليكم

من مراقبتنا فى الكنترول للشهور الماضية ، اتضح لنا ان الوضع العام فى المنتدى
وصل الى مرحلة من الركود الشديدة لم تحدث منذ تاسيسه ..ولقد اتضح لنا ان نسبة
التواجد فى المنتدى اصبحت قليلة جدا ،، لذلك كان لا بد من التحرك والبحث فى الاسباب
والبحث عن حلول لها.

الاعضاء الكرام

تعلمون جميعا ان المنتدى يعتمد اساسا على جدية الاعضاء والتزامهم كما يعتمد على
كنترول يعمل فقط فى مصلحة الارتقاء بالمنتدى من افضل الى افضل ،، وتعلمون ايضا
انه بدون تعاون الاعضاء والكنترول مع بعضهم البعض لا يصب ذلك فى مصلحة
المنتدى .

اتضح لنا بعد متابعة لزوار المنتدى من خدمة google Adsense
ان حوالى 45 % من الزوار هم اعضاء من المنتدى فضلوا الدخول للمنتدى
كزوار،،وهذا دلالة على عدم رضاهم بالوضع الراهن الذى يمر به المنتدى ..
كذلك نحن فى الادارة والكنترول ليسنا براضين على هذا الوضع.

الاعضاء الكرام

لذلك قررنا قفل المنتدى للزوار اعتبارا من اليوم ولم نحدد موعد لفتحه ...ونأمل بذلك
اقناع اكبر مجموعة من الاعضاء بتسجيل دخول للمنتدى والمشاركة...
كذلك قررنا اتخاذ قرارات صارمة فى الكنترول نامل بها التوصل الى خلق جوء
فى المنتدى يرضينا جميعا.

الاعضاء الكرام

كلنا نعلم لماذا نحن هنا...وكلنا نود قضاء اوقات ولحظات جميلة فى المنتدى ..فعلينا
ان نتعاون جميعا ،، لتحقيق ذلك ،،واضعين مصلحة المنتدى فوق ،، وبتعاوننا سوف
نعيد المنتدى لتميزه الذى كنا نعتز به...

وشكرا

[ود الخير]

1000 لايك يا بوس

[مسلمة وافتخر]

احسن حاجة عملتوها والله
وهسع كراعى فى رقبتى سجلت دخوووول
على الاقل نخلى الكسل النحنا فيه دا

[بت السرف]

كدة كويس ...

على الاقل البتأوقو ديل .. يخلو المتأوقة

ويجو بالدرب عديييييل ..

[سحر السر]

كلااااام سليم وممتااااااااز

[سعوديه روحها سودانيه]

بالرغم من انكم مافقدتوني ههههههههههههه الا ان سبب غيابي دراستي في خارج السعوديه تعدلوا شوي ياجماعه وقولو وينك ياسعوديه او ع الاقل رحبوا

[الفرح المهاجر]

خطوه جرئية وحلوه
ومشكور على مجهوداتك تجاه
المنتدى من اجل الرقى والتقدم

[بكور]

[عسوولة الرياض]

[align=center]وهه انا اول الحاضرييين وشكرا عمو صلاح على اتخاذ قرارمثل هذا

[/align]

[امال الناس]

بسم الله الرحمن الرحيم

الاخ الكريم/ د. صلاح

حياك الله اخي

تحدثنا كثير عن غياب الاعضاء

وعن عدم دخولهم المنتدي

وسالنا عن الغائبين وعن اسباب غيابهم

فالكثير كان ردهم عبر التلفونات

ان المنتدي اصبح ما منتدي زمان

وان غياب الناس القدام هو السبب في ترك المنتدي ممل

طيب يا جماعة انت بتتحدث عن منو ما هو انت

فرد من هولاء الجماعة (الاعضاء) لما كل واحد يرد بهذه الطريقة

حيفضل منو في المنتدانا الذي يحمل اسم وطننا الحبيب

المهم يا دكتور اتمني من عند المولي عز وجل ان يكون

هذا هو السبب وان نجد حلول جزرية للغياب

لك احترامي وتقديري

ربنا يعينك ويعين جميع افراد الادارة

ملحوظة

والله ياخونا مهما جيتوا ولا رحتوا مافي اجمل من منتدانا

منتدي انا سوداني

[العمرابى]

كل سنة طيبين
وايد على ايد تجدع بعيد

امكن الناس كانو على اجازة العيد وسفر خارج الاقطار
الايام الجاية مبشرة ان شاء الله يادكتور

[النورس المهاجر]

استاذي . الفاضل ......
اشكر تواجدك بيننا
ثم اشكر اهتمامك بمشكلات المنتدى وعلى راسها غياب الاعضاء
ثم اشكر لك ما اتيت به من حل ..... وهو اغلاق الزياارة للمنتدى ....
لكن ...........
ليتنا كنا اهل دمقراطية في اخذ الاراء لحل تلك المشكلة والاخذ بتلك الاراء في حل المشكلة .. فمن المعروف قانونيا سؤال الجاني والمجني بعدها ياتي الحكم .. فلو كان اطراف المشكلة العضو والمنتدى اخذنا براي الطرفان .... اما ان يكون الراي للإدارة فقط والقرار ( حكم وجلاد) أرى انه تقصير هضم حق العضو في حل المشكلات التي هو اساسها وتهمه في المقام الاول ... اما الحل بمثل تلك الطريقة ( ايقاف الزياارة ) فما ذنب الغير مسجل او لا يرغب في التسجيل .. ؟ بتلك الطريقة كاننا نقول لا يدخل بيتنا ضيف .. وهذه ليست شيم السودانيين .. والاهم .. العضو الذي يغيب باسباب ومشكلات لو لم تحل فليس تلك الطرق تجبره على الرجوع وممكن يرجع ومثله مثل الزائر .. باسم غير وبدون فعاالية .. لذا..
انصح باكتشاف طرق ثانية مصااحبة لتلك الطريقة ( اغلاق الزياارات) ..
استاذ صلاح ..
انا غبت عن المنتدى لفترات .. وقلت مشااركااتي كذلك مثلي مثل كثير من الأعضاء القدماء .. وكل ذلك باسباب .. والان موجود بينكم بفهم محدد .. وبصورة مرضية لي وللمنتدى .. فحين اتاكد من حل المعوقات يكون الوصل والابداع .. اما الجبرية والارغاام ليس كل الحلول الناجعة لاستعاادة العضو وجعله مبدع ..
احترم رايك وراي الاخرين .. ويكون لنا رأي ..فلتسمعوه كما عهدناكم وتعملوا به ..
دمت بود ...

[السنبلاية]

سلاااااااامات للكل الموجودين الفوق ,,

وصباح الخير على الكل ..

وشكراً للدكتور صلاح

و نتمنى ان يعود المنتى كما كان ...!!

[الشمالي]

جميل جدا
والاجمل لو حددنا اسباب عزوف الاعضاء
عن الدخول والاكتفاء بالدخول كزوار والعمل
علي ازالة العقبات وبكل صراحة اقولها في
الفترة السابقة المنتدي افتقد الي الجو الاسري
الجميل الذي كان يميزه عن جميع المواقع
(وكان النفوس اطايبت البيت بشيل ملااييين)

وتحياتي الي الجميع

[احسان]

مع انا ما قاعدة اسجل خروج خالص

بس كمان الزول لمن يكون زائر ويشوف مواضيع تشدوو طوالي بيدخل

لو بقينا جادين شوية في مواضيعنا ونزلنا مواضيع حيوية وحوارية اكثر ح نلاقي تجاوب

[السودانى الاصيل]

مع انا ما قاعدة اسجل خروج خالص

بس كمان الزول لمن يكون زائر ويشوف مواضيع تشدوو طوالي بيدخل

لو بقينا جادين شوية في مواضيعنا ونزلنا مواضيع حيوية وحوارية اكثر ح نلاقي تجاوب

والله يا سونا المفروض اشوفو السبب شنو البخليهم ما اشاركوا

مش امنعوهم من حتى التصفح ؟؟

انا برضو مسجل دخول تلقائى لكن يا ريت تشوفو جذور المشكله والحلول

وتقنعوهم بجذبكم ليهم على المشاركه وثم العضو حتى لو سجل دخول ما معناها
شارك غصب عنو ولو مافى موضوع اشارك فيهو ما ح اشارك

انا بالنسبه لى والله اكتر شئ طفشنى من المنتدى التنسيق لااااااازم اجيب متصفح قدييييييييم
عشان انسق كتابتى ؟

يعنى خلاص عجزتو عن ترقية المتصفح عشان ادعم التنسيق !!!
منتدى كان عملاق وليهو وزنو فى الساحه لكن اجتمعت الاسباب واصبح كما هو عليه
الان

ولو لا بعض الاعضاء المخلصين زى انا وسونا دى ووايا وتانيين كان اصبح اسوا من كدا

فيا ريت تبحثو فى بوست كبيييييير وجامع لمشاكل المنتدى واولا حل مشكلة التنسيق

مشكورين

وارجو تقبل مرورى لاننى بحب المنتدى ومخلص ليهو من زمن بعيد واتمنى جددا التقدم
ومستعد لاى تعاون ارفع المنتدى

[احسان]

والله يا سونا المفروض اشوفو السبب شنو البخليهم ما اشاركوا

مش امنعوهم من حتى التصفح ؟؟

انا برضو مسجل دخول تلقائى لكن يا ريت تشوفو جذور المشكله والحلول

وتقنعوهم بجذبكم ليهم على المشاركه وثم العضو حتى لو سجل دخول ما معناها
شارك غصب عنو ولو مافى موضوع اشارك فيهو ما ح اشارك

انا بالنسبه لى والله اكتر شئ طفشنى من المنتدى التنسيق لااااااازم اجيب متصفح قدييييييييم
عشان انسق كتابتى ؟

يعنى خلاص عجزتو عن ترقية المتصفح عشان ادعم التنسيق !!!
منتدى كان عملاق وليهو وزنو فى الساحه لكن اجتمعت الاسباب واصبح كما هو عليه
الان

ولو لا بعض الاعضاء المخلصين زى انا وسونا دى ووايا وتانيين كان اصبح اسوا من كدا

فيا ريت تبحثو فى بوست كبيييييير وجامع لمشاكل المنتدى واولا حل مشكلة التنسيق

مشكورين

وارجو تقبل مرورى لاننى بحب المنتدى ومخلص ليهو من زمن بعيد واتمنى جددا التقدم
ومستعد لاى تعاون ارفع المنتدى

انا كمان عندي نفس المشكلة يا الاصيل ما شايف كتاباتي اسود وابيض

بس المشكلة ما في التنسيق بس المشكلة في المواضيع ذاتها, وفي الردود المطلوبة

يعني مثلا هسي في اعضاء جدد انا بشوفهم وما بيلاقوا مشاركات او تجاوب بيملوا وبيطفشوو

والمواضيع اغلبها بقت معروفة ومحفوظة الا من رحم ربي وهكذا

[وحـــيد]

[صلاح محجوب عبداللطيف]

تشكر أخونا الكريم / د. صلاح
وتسلم يا غالي وللعلم هذه المشكله
ليست في هذا المنتدى فقط بل في
كل المنتديات حاصل ركود جامد
وكل سنه وانت طيب وبكل خير

[لبيب]

دا كلام سليم جداً