ﺍﻟﺤﺐ ﺣﻼﻝ ؟؟!!؟؟

[زووول سوداني]

ﺍﻟﺤﺐ ﺣﻼﻝ ؟؟!!؟؟
ﺍﺗﻠﻤﻮﺍ ﻧﺎﺱ ﻃﻪ ﻭ ﻧﻀﺎﻝ
ﻭ ﻧﺴﺎﺕ ﺩﻗﺎﻗﻪ ﻭ ﻧﻘﻨﻘﻪ
ﻧﻈﺮﺍﺕ ﻭﺩﺍﻋﻪ ﻣﻮﺛﻘﻪ
ﻭ ﺍﻟﺠﻮ ﻋﺠﻴﺐ ... ﺗﻨﻈﻴﺮ ﺷﺪﻳﺪ
ﺑﺎﺏ ﺍﻟﻨﻘﺎﺵ ﺍﺧﺘﻠﻔﻮ ﻛﻮﻧﻮ ﺍﻟﺤﺐ
ﺣﻼﻝ
ﺃﺣﻤﺪ ﺑﻘﻮﻝ ﺍﻟﺤﺐ ﺣﻼﻝ
ﻭ ﺍﻟﺮﻳﺪﻩ ﻣﻔﺘﺎﺡ ﺍﻟﻘﻠﻮﺏ
ﻭ ﺍﻟﺤﺐ ﻋﺸﺎﻥ ﻳﺜﻤﺮ ﻳﺪﻭﺏ
ﻻﺯﻡ ﺗﻜﻮﻥ ﻗﻌﺪﺍﺕ ﻫﻨﺎ
ﻣﺮﻗﺎﺕ ﻫﻨﺎﻙ
ﻭ ﻧﺴﺎﺕ ﺣﻨﻴﻨﻪ ﻭ ﺩﻧﺪﻧﻪ ... ﻭ ﺣﺎﺟﺎﺕ
ﻛﺪﻩ
ﺭﺍﻳﻜﻢ ﺷﻨﻮ ﻳﺎ ﻧﺎﺱ ﻧﺪﻱ ؟؟؟
ﻭﺍﺣﺪ ﺑﻘﻮﻝ ﺍﻟﺤﺐ ﺣﺮﺍﻡ
ﻭ ﺑﺪﺍﻳﺘﻮ ﺃﻗﺮﺏ ﻟﻠﻮﻫﻢ
ﻭ ﻓﻲ ﻧﺼﻮ ﺑﻨﻘﻄﻊ ﺍﻟﻄﺮﻳﻖ
ﻭ ﻧﻬﺎﻳﺘﻮ ﺷﺎﻛﻮﺵ ﻣﺤﺘﺮﻡ
ﻣﺎ ﺑﻴﻦ ﺗﻄﺮﻑ ﻭ ﺍﻧﺤﻼﻝ
ﺑﻨﻮﺗﻪ ﺃﻗﺮﺏ ﻟﻠﻤﻼﻙ
ﻭﺷﻴﺸﻪ ﺯﻱ ﺑﺪﺭ ﺍﻟﺘﻤﺎﻡ
ﻗﺪﻻﺗﻪ ﺩﺍﻳﻤﺎ ﺑﺎﻧﺘﻈﺎﻡ
ﻭﺍﻟﺼﻮﺕ ﺃﺣﻦ ﻣﻦ ﺍﻟﺤﻨﺎﻥ
ﺍﺗﻨﺤﻨﺤﺖ ...
ﺍﺗﻤﻠﻤﻠﺖ ...
ﻭ ﺍﺗﻘﻨﺪﻓﺖ ...
ﻭ ﺍﺗﺼﻠﺤﺖ ... ﻳﺎ ﺃﺧﻮﺍﻧﺎ ﻻ !!!
ﻳﺎ ﺃﺧﻮﺍﻧﺎ ﻋﻴﺐ !!!
ﺃﺩﻭﻧﻲ ﻓﺮﺻﻪ
ﺃﻧﺎ ﺯﻱ ﺑﻔﻜﺮ ﺍﻧﻮ ... ﻻ
ﺯﻱ ﻋﺎﻳﺰ ﺃﻗﻮﻝ ﻳﺎ ﺃﺧﻮﺍﻧﺎ ... ﺩﻩ
ﻻ ... ﻣﺎ ﻛﺪﻩ
ﻓﺎﻫﻤﻨﻲ ﻳﺎ ﺭﻭﺣﻲ ﺍﻟﺠﻤﻴﻞ
ﻓﺎﻫﻤﻨﻲ ﻳﺎ ﺣﻤﺰﻩ ﺍﻟﻨﺒﻴﻞ
ﻳﺎ ﺳﻴﺪ ﺣﻴﺎﺗﻲ ﻭ ﻣﺎﻟﻜﻪ
ﻭﺍﺣﺪ ﺭﺻﻴﻦ ﺣﺴﻪ ﺑﺨﻄﺮ
ﺣﺎﻭﻝ ﻳﻠﻤﻠﻢ ﺍﻟﻘﻠﻮﺏ
ﻳﺎ ﺣﻤﺰﻩ ﺍﺗﺤﻠﺖ ﺧﻼﺹ
ﺍﻧﺎ ﻋﻨﺪﻱ ﻟﻴﻚ ﻭ ﺟﻬﺔ ﻧﻈﺮ
ﺭﺍﻳﻜﻢ ﺷﻨﻮ ﻓﻲ ﺷﻴﺦ ﻭﻟﻴﺪ ؟؟؟
ﻣﻮﻻﻧﺎ ﻣﻮﻻﻧﺎ ﺍﻟﺒﻄﻞ
ﻳﺎ ﺷﻴﺨﻨﺎ ﻋﻨﺪﻧﺎ ﻛﻠﻤﺘﻴﻦ
ﻣﺎ ﺗﻨﺒﻬﺮ ﻳﻤﻜﻦ ﻧﺰﻭﺩﻩ ﺣﺒﺘﻴﻦ
ﺭﺍﻳﻚ ﺷﻨﻮ ؟؟؟
ﻓﻲ ﻋﺒﺪﻭ ﺻﺎﺣﺐ ﺍﻟﺪﻣﻌﺘﻴﻦ
ﻟﻮ ﻣﺮﻩ ﻗﺪﻡ ﻭﺭﺩﺗﻴﻦ
ﻟﻲ ﺑﺖ ﺑﺘﻘﺪﻝ ﻗﺪﻟﺘﻴﻦ
ﻣﻮﻻﻧﺎ ... ﻳﺎﺧﻲ ﺑﺎﺧﺘﺼﺎﺭ
ﺭﺍﻳﻚ ﺷﻨﻮ ؟؟؟ ﺍﻟﺤﺐ ﺣﻼﻝ ؟؟؟
ﻣﻮﻻﻧﺎ ﺷﺎﺏ
ﺷﺎﺏ ﻓﻲ ﻧﻬﺎﻳﺔ ﺍﻷﺭﺑﻌﻴﻦ
ﻳﻮﻡ ﻋﺮﺳﻮ ﺩﺍﻙ
ﺷﺎﻟﻮﻫﻮ ﺷﻴﻞ ... ﺧﺘﻮﻫﻮ ﺧﺖ
ﺭﺍﺟﻞ ﺑﺪﻳﻦ
ﻣﻦ ﻭﺷﻮ ﻇﺎﻫﺮ ﺯﻭﻝ ﻭﺳﻴﻢ
ﻓﻲ ﺍﻟﺤﻠﻪ ﻗﺎﻟﻮ ﻋﻠﻴﻮ ﻛﻌﺐ
ﻣﻮﻻﻧﺎ ﺃﺻﻌﺐ ﻣﻦ ﺻﻌﺐ
ﻭ ﺗﺤﺖ ﺗﺤﺖ ﺣﺒﻴﺐ ﻗﺪﻳﻢ
ﻣﻮﻻﻧﺎ ﺗﻤﺘﻢ ﻣﺮﺗﻴﻦ
ﻣﻦ ﺳﺒﺤﺘﻮ ...
ﻣﻮﻻﻧﺎ ﺑﺠﺪﻉ ﺟﺪﻋﺘﻴﻦ
ﻣﻮﻻﻧﺎ ﺩﻧﻘﺮ ﻓﻲ ﺍﻷﺭﺽ
ﻣﻮﻻﻧﺎ ﺻﻨﻘﻊ ﻓﻲ ﺍﻟﺴﻤﺎ
ﺷﺎﻑ ﻟﻲ ﻣﻨﻲ
ﻭ ﺭﻛﺰ ﻛﺘﻴﺮ ﻓﻲ ﻭﺵ ﻣﻬﺎ
ﻫﻤﻬﻢ ﻛﺘﻴﺮ ﺑﻲ ﺗﻤﺘﻤﻪ
ﻣﻦ ﺑﻌﺪ ﻣﺎ ﺣﻦ ﻭ ﺩﻧﺎ
ﻗﺎﻝ ﻟﻴﻬﻢ ﺍﻟﺤﺐ ﻳﺎ ﺷﺒﺎﺏ
ﻣﻔﺘﺎﺡ ﻗﻠﻮﺑﻨﺎ ﻭ ﺷﺎﻫﺪﺍ
ﻭﺍﻟﺤﺐ ﻛﻼﻡ ﻧﺎﻋﻢ ﺟﻤﻴﻞ
ﺑﺸﺒﻪ ﻛﻼﻡ ﻣﺮﻭﻩ ﻭ ﺷﺬﻱ
ﻭﺍﻟﻠﻪ ﻭﺍﻟﻠﻪ ﺍﻟﻌﻈﻴﻢ
ﻟﻮ ﻣﺎ ﺍﻟﻌﻤﺮ ﺳﺎﻓﺮ ﺧﻼﺹ
ﺍﻧﺎ ﺯﺍﺗﻲ ﻛﺎﻥ ﺣﺒﻴﺖ ﻧﺪﻱ
ﻭ ﺑﻌﺪ ﻛﺪﻩ ...
ﻣﻮﻻﻧﺎ ﺍﺗﻨﺤﻨﺢ ﺭﺟﻊ
ﻗﺎﻝ ﺑﻲ ﻭﻗﺎﺭ ﺑﻲ ﺻﻮﺕ ﺭﺻﻴﻦ
ﺍﻟﺤﺐ ﺣﻼﻝ
ﺑﺎﻟﻠﻪ ﺷﻮﻓﻮﺍ ﺍﻟﻔﺘﻮﻩ ﺩﻱ
ﻣﻮﻻﻧﺎ ﻗﺎﻝ ﺍﻟﺤﺐ ﺣﻼﻝ
ﻣﺒﺮﻭﻙ ﻛﺘﻴﺮ ﺣﻤﺰﻩ ﻭ ﻧﺪﻱ
ﺑﻴﺖ ﻣﺎﻝ ﻭ ﻓﺮﺣﻪ ﻭ ﺯﻏﺮﺩﻩ
ﻟﻲ ﻋﺒﺪﻭ ﻭﺩ ﺍﻟﻤﻮﺭﺩﻩ
ﻭﺃﺑﺸﺮ ﻋﺪﻳﻠﻪ ﻭ ﺟﺮﺩﻗﻪ
ﻟﻲ ﻭﺟﺪﻱ ﻣﺮﺿﺎﻥ ﺍﻟﺒﻨﺎﺕ
ﻣﺎﻫﻮ ﺍﻟﻤﺠﻜﺲ ﺃﺧﺖ ﺷﺬﻱ