اقسم بالله ياريس انه انا مواطن سوداني بسيط
مابهمني منو البحكمني
اتخرجت واتخارجت عشان اقري باقي اخواني
اصلا ابوي كان موظف ومات بالحسرة من البلد دي
بفتش بين صخور الغربة عن درهم ضائع اقسمه بين مصاريفي ومصاريف امي
لمن الم لي حبة قريشات ارسلهم لأمي ولما اديها تلفون فرحان بعد يومين أسأل عن القروش وصلن ولا لا
تقول والله ياولدي وصلن وكملن اديت اختك 500 مشت بيهن الجامعة واديت سيد الدكان الفاتح خشمو دا واديت الجزار وووووو
وقبل تتم تفاصيلها اقول ليها طيب ماعندكم في المخزن عيش تبيعيه لغاية ما اصرف تقول لي عيييييييييييك انت طولت ياولدي
الحواشة قاعدة بايرة مافي زول دايرها الموية مابتصلها عشان الترع مقفلة والأفات مالية الواطة والتيراب لو عاوز تيراب تاخدي من السوق بالغالي من التجار
واسالها وين المفتيشين
عيييييييييييييك ياولدي المفتشين ادوهم معاش كلهم وباعو الصرايات بتاعت الانجليز وباعو المحالج والمصانع البتحلج القطن. و
تيت تيت تيت
الرصيد خلص
حمدت الله انه الرصيد خلص
كفاية وجع
ارجع افتش تاني بين الصخور عن درهمي الضائع
أخد راحة قدام التلفزيون بس اهدي نفسي شوية تجيني الاخبار
عن الوضع
حرب في الجنوب وابياي
دارفور
كردفان
النيل الأزرق
وقبل ما احول القناة مقهور
اشوف الاضرابات في الخرطوم
اولاد صغار كانو بيحلموا بالقراية والدواية والعيشة الهنية
ولما مالقى حاجة طلع الشارع
وضربوه ناس العسكر
منهم من مات ومن من ينتظر ومابدلو تبديلا
شفت الدماء الطاهرة تسيل
والحرقني تصريح المسئولين
البيطلع ويقول ليك ديل صعاليق حرقو السوق
والبيقول ليك ديل حرامية دايرين يسرقو البلد
حولت القناة بعد الاحباط
اقيف فجأة على قناة تبث عن السودان خبر مفاده القبض على ابن احد المسئولين وهو يستعد للهرب بملايين الدولارات
عرفت منو الحرامية والرباطة بس باسم الدين
ياااااااااااااااااخ اقول ليك
خليني انوم
وكيف انوم الوجع في الجوف
عموما لازم احاول
عشان اقدر افتش عن درهمي الضائع بين الصخور
واقدر ارسل منه لامي
بس ماحاقدر اكلمها
وماحا اقدر اشاهد التلفزيون
وراجع ليكم تاني
لانك تملك ناصية شدنا واعادتنا قصراً لداخل البيت
الكبير فلماذا تحرمنا طلاتك ولماذا تحرمنا من حروفك
الانيقة الجميلة التي تلامس قلوبنا ,
واقسم بالله العظيم كأنك تكتب عني انا ولست عن نفسك
وانا متاكد ترليون في المية هناك كثر مثلي تحدثت عنهم
شكرا جزيلا لك , ودمعة فرت قصرا ويا لهف نفسي علي وطني
يا صاحب المشروع في قصرك العالي: الصوت هناك مسموع ؟
شعر : أزهري محمد علي
دم الشهيد بي كم؟
ولا السؤال ممنوع دم الشهيد غالي والانكسر في الروح ما بجبرو الوالي
ارواح تزف ارواح وبرضو اللسان مبلوع
راح الوطن باباح جربنا لحس الكوع
جرب معانا وضوق لو مرة واحدة الجوع
من قبل ماانسميك الريس المخلوع
بالواضح المكشوف فتش معانا وشوف
وين اختفي الزراع
وين اترمت احزاب
مين عسكر الاطفال و
استخبر الطلاب
مين شرد العمال
من فوبية الاضراب
نحن اكتفينا خراب
نحن استوينا سنين
نحن انطفينا عقود
سنوات طوت سنوات
كانت وعود في وعود
قدمنا ليك فلذات ضحينا بالموجود
فوق الصبر صابرين
والصبر ليهو حدود
نحن بنكورك سير وانت في طريق مسدود
لوشفتا عوج الضل
كان استقام العود
كان استراح الكل
والفي المنافي يعود
جرب معانا وشوف
خيبة رجا العشمان والخاطر المكسوف
رعشة اصابع الام
في مدة المصروف
جرب معانا وشوف
ياساهي يالاهي
ياالامر الناهي
في قصرك الواهي
علمنا بلاهي
قبال حروف
النهي الامر بالمعروف
تقول ليك ليه بخمسه ماكانت بتلاته وطال النقاش بينهم
وهي تشتكي ليه ان عندها اطفال ويخلي ليها ب4وهو يقول
ليها عندي اخوان وابوي شرد وانا بدعم فيهم ... يعني ماتشكي لي ابكي لك
اتوجعت ودموعي جرن ومسخت علي الدنيا ..عشان 2جنيه
..وانا اكلت باضعاف المبلغ ده... حاله صعبة
الرائعة دوما صاحبة القلم المميز ياسمينا
والله الواحد الشايلو في الجوف كتيييييييييييييييير
والقلم مابتجرأ الا عنه بعض الكل فقط
والحال في البلد وصلتنا لي يقين ان لاعودة قريبا
الله يعين
بس خلينا نتعلم سر البوح عساها تخرج الالم الداخلي حتى لايتحول لدموع
وحاجة امنة اتصبري
لانك تملك ناصية شدنا واعادتنا قصراً لداخل البيت
الكبير فلماذا تحرمنا طلاتك ولماذا تحرمنا من حروفك
الانيقة الجميلة التي تلامس قلوبنا ,
واقسم بالله العظيم كأنك تكتب عني انا ولست عن نفسك
وانا متاكد ترليون في المية هناك كثر مثلي تحدثت عنهم
شكرا جزيلا لك , ودمعة فرت قصرا ويا لهف نفسي علي وطني
أخي الحبيب الشمالي
صدقني والله كتير حاولت الدخول للمنتدى واتراجع
خفت من التغيرات التي سادت الدنيا
أن تصيبه ببعض الصدى
والمنتدى هذا بالذات له وقع خاص في نفوسنا فهو طفلنا الحب
الذي يعيش اغرب اطوار
ولكننا نحبه برغم غرابة اطواره
اما عن قلمي فقد اقتبس روعته من بعض ماعندكم
كيف لا وانت تمتلك ناصية الكلم وحروف نادرة الوجود
اما عن موضوع المقال فصدقني لو قلت لك هو نتيجة حتمية لاوجاع
موجودة في دواخلنا كلنا
ان نرى بلدنا تصل لهذا الحضيض
ونرى من سرقونا يتبجحون وكأننا أغبياء ويجب ان نصدقهم
هل تصدق اخي الشمالي ان لاحديث هذه الايام في دبي الا عن ابن ذلك المسئؤل الذي قبض عليه في مطار دبي وهو يهم بتهريب عشرة مليون دولار
وقد خرج جهارا نهارا من مطار الخرطوم
ولم يسأله احد
عمره 27 سنة اي من المفترض انه أدى الالزامية ويبحث عن عمل مثل الملايين
من شباب بلدي
اها رايك شنو
عشرة مليون دولار تعيد بناء مشروع الجزيرة بالكامل
وقبل ايام واحد سواق تريلا سوداني اخبرني شخصيا ان هذه التريلا المبردة تحمل عصائر مخصصة لشركة ابن يوسف عبد الفتاح (رامبو)
والذي تغطي فلقة الصلاة نصف جبهته
و
اقول ليك حاجة نسكت احسن
hoomy كتب:
الرائعة دوما صاحبة القلم المميز ياسمينا
والله الواحد الشايلو في الجوف كتيييييييييييييييير
والقلم مابتجرأ الا عنه بعض الكل فقط
والحال في البلد وصلتنا لي يقين ان لاعودة قريبا
الله يعين
بس خلينا نتعلم سر البوح عساها تخرج الالم الداخلي حتى لايتحول لدموع
وحاجة امنة اتصبري
من ناحيةترجع قريب دي انسسسى
بالجد انسى ...احتمال اولادنا او أولادهم عندهم امل يرجعو
هومي ... اين انت يافتي اما تدري قد تعطشت ارواحنا لنثرك
لما كل هذا الغياب ... اهي سنة الحياى تجمع لتفرق وتفرق لتجمع
ام هناك ماشغلك عنا وبت تصدح بعباراتك خارج نطاق الوطن
الذي تربعنا وتفرجخنا منتظرين متي عودتك
نثرك بالرغم انه ملئ بالحزن والواقع المرير الاانه رسم الحال بكل شفافية
دمت ايها الهومي ودام مداد قلما نزيفا تسيل من سيوله السرد الجميل
هومي ... اين انت يافتي اما تدري قد تعطشت ارواحنا لنثرك
لما كل هذا الغياب ... اهي سنة الحياى تجمع لتفرق وتفرق لتجمع
ام هناك ماشغلك عنا وبت تصدح بعباراتك خارج نطاق الوطن
الذي تربعنا وتفرجخنا منتظرين متي عودتك
نثرك بالرغم انه ملئ بالحزن والواقع المرير الاانه رسم الحال بكل شفافية
دمت ايها الهومي ودام مداد قلما نزيفا تسيل من سيوله السرد الجميل
مودتي
مرسال الشوووق ،،،
[/quote
تحضرني في هذه اللحظات اخي مرسال الشوق مرور سيدنا عمر بالليل علي الرعية ومرور عمرنا بالطائرة فوق مياه الامطار
فقرر سيدنا عمر دعم الاسر الفقيرة التي لا زاد لها وقرر عمرنا التهكم على الشعب بقوله انتو ماشفتو الهوت دوق الا في عصر الانقاذ عجبي والله
وراع صاحب كسرى ان راى عمراً *بين الرعيه عطِلاًوهو راعيها
وعهده بملوك الفرس ان لها سوراً * من الجند والاحراس يحميها
رآه مستغرقاًفي نومه فراى فيه * الجلالة في اسمى معانيها
فوق الثري تحت ظل الدوح مشتملاً * ببردةٍ كاد طول العهد ان يبليها
فهان في عينه ما كان يكبره *** من الاكاسرة والدنيا بايديها
فقال قولةحقٍ اصبحت مثلاً**** واصبح الجيل بعد الجيل يرويها
امنت لما اقمت العدل بينهم **** فنمت نوم قرير العين هانيها
اخوي المرسال
عندي حبوبتا لي بتختصر ليك الحياة دي في كلمتين
الوجع راااااااااااااااااااقد
وانا كمان بقولها
الوجع رااااااااااقد
عجبي والله