بسم الله الرحمن الرحيم يا حليل الجنيه ياحليل الجنيه كان بودى السوق تستف قفتك وتجيب معاك طايوق وجنيه هذا الزمن بقى عديل ممحوق ما بجيب ساندوتش ولو ببيض مسلوق يا حليل الحنيه راح فى حق الله تماسيح البلد اذاقوهو مهانة وذلة مسكين الجنيه مضطهد جوة وبرة والحرامية الكبار هم سبب العلة يا حليل الجنيه بقت حالتو ما بتسر اصحاب الكروش اذاقوهو العذاب المر حسابن قريييب محترفى الفساد والضر ناسين الصراط وكيف فيهو الحرامى بمر؟ يا حليل الجنيه زمان كنا بنفخر بيهو لا بساويهو الريال ولا الدولار سائل فيهو كانت ليهو قيمة وكان املنا عليهو ساهلة المعيشة و الاغتراب ما فى زول طاريهو يا حليل الجنيه انتهى مع المشروع وين القى قيمة بدون حصاد وزروع؟ تدهور الوضع خلى الجميع مفجوع بعد الرخاء اصابنا الضياع والجوع يا خليل الجنيه ويا حليل زمانو الفات كانت ليهو قيمة وما ببدلوهو بالعملات وآخر الزمن شوفوا المصيبة الجات المهر بالدولار عند ناس ضميرن مات يا حليل الجنيه الليلة فى الانعاش نسوهو اهلو وضربوا منو طناش الجنيه انتهى ونزل اجبارى معاش وبالبترول والدهب ما بشم تانى دعاش
بسم الله الرحمن الرحيم يا حليل الجنيه ياحليل الجنيه كان بودى السوق تستف قفتك وتجيب معاك طايوق وجنيه هذا الزمن بقى عديل ممحوق ما بجيب ساندوتش ولو ببيض مسلوق يا حليل الحنيه راح فى حق الله تماسيح البلد اذاقوهو مهانة وذلة مسكين الجنيه مضطهد جوة وبرة والحرامية الكبار هم سبب العلة يا حليل الجنيه بقت حالتو ما بتسر اصحاب الكروش اذاقوهو العذاب المر حسابن قريييب محترفى الفساد والضر ناسين الصراط وكيف فيهو الحرامى بمر؟ يا حليل الجنيه زمان كنا بنفخر بيهو لا بساويهو الريال ولا الدولار سائل فيهو كانت ليهو قيمة وكان املنا عليهو ساهلة المعيشة و الاغتراب ما فى زول طاريهو يا حليل الجنيه انتهى مع المشروع وين القى قيمة بدون حصاد وزروع؟ تدهور الوضع خلى الجميع مفجوع بعد الرخاء اصابنا الضياع والجوع يا خليل الجنيه ويا حليل زمانو الفات كانت ليهو قيمة وما ببدلوهو بالعملات وآخر الزمن شوفوا المصيبة الجات المهر بالدولار عند ناس ضميرن مات يا حليل الجنيه الليلة فى الانعاش نسوهو اهلو وضربوا منو طناش الجنيه انتهى ونزل اجبارى معاش وبالبترول والدهب ما بشم تانى دعاش
الغالي والعزيز ابراهيم عباس ود الكاملين قصيدة مكتوبة عن الواقع المعاش المر يا حليلك يابلد نسال الله ان يعجل بالفرج حتى يعود السودان كما كان كل الود
نسأل الله تعالى ان يعود السودان كما كان فىنهاية السبعينات كان الجنيه يساوى ثلاث دولارات
امنياتى لك بالصحة والعافية اخى الغالى ابو الملكات ولك خالص التحايا والاشواق
الغالي والعزيز ابراهيم عباس ود الكاملين حقيقة انا سعيد وحزين سعيد وسبب سعادتى انى حضرت لما الجنيه كان ثلاثة دولار وقلت لعمي اريد ان ارجع السودان احسن ولكنه رفض وحزين لهذا الحال الذى وصل له الوطن الغالي العزيز وللاسف حتى اخلاق ابناء السودان فيها الكثير اتغير نسال الله الفرج كل الود
