إشتقنا ليك

[التهامي]

إشتقنا ليــك والشـــوق بحــــور.. ما نحـــن كاتلنا الوِّلِفْ
وليك القلوب تهفــو وتشيل .. من فيـض روايعك ترتشفْ
أشتقنا ليك يا نيــلنا شوق .. تعجـــز حروفى عن الوصفْ
شوق العصافير للشــدر .. فوق غيرو ما عِـــرفت عَزِفْ
وشوق الحبيـــب المن زمن .. عينيهـــو سهــرانة وترِفْ
داير يشوف زولاً هــواهو .. ومالـــــك القـــــلب الرِّهِفْ
الاَّ الظروف وقفت معاندة .. وحالفة غصـــن البان يجفْ
**********
جهازى مغبـون وبالزعل .. حالـــــف يمـــــــين ما يتفتحْ
والمــــاوس الكان بالنشاط .. من فوقو ما بيعـــرف يزحْ
صابوا الوهن وأصبــح كسير .. ويتلوى من وجع الجرحْ
وأنا حالى يعلمـــبو الكريم .. من يوم قفـــــلت أنا ما فِرِحْ
زادت همومى وألمى زاد .. مــن بـعد ما إتعــافيت نِصِحْ
أسأل وأقول .. لمتين تعــــود.. وحــــالى المبشْتَّنْ ينْصلِحْ
أنا أصلى إتعــود عليك .. وبيـــــك ديمة أمْسِى وإصْطَبحْ
أدمنت ساحــــاتك وبقيت .. ياكـــــا الوحيــد الشِىْ السَّمِحْ
**********
بيت الفـــرح مرسى الأمـــــان .. لولاكا ما زارنى السعدْ
لولاكا ما لاقيـــت صحاب .. غــالين وزى ولـــــد الولــدْ
لولاكا ما إتمسحــــت دموع الغــــربة .. وإنـــــزاح النَّكدْ
لولاكا كنت بقيــــت وحيد .. والوحـــــدة هـــدَّت لــلجسدْ
وغرقت فى بحــر الضياع .. وفى قــــــــــاعو إتمدد رقدْ
ما إنت اسقـــيتنى الفرح .. وشربــــت مـــن نبعـــك شهدْ
ونسيتنى آلام البعـــاد .. مـــــن بلــــدى كنــــت انت البلدْ
**********
يا منتــــدانا متيــــن تعـــود .. وتعــــــــود لى أيـــام الهنا
وأرجــــع أواصــــل للصحاب .. ونقـــــوِّى أواصر حبنا
ونعمِّــر الدار بالفـــرح .. والحــب يكــــــــون دوم ديدنـا
يارب تحقـــــــق للأمــل .. يا رب تحـــــــــــــــقــق للمُنا
وباكــر تعــــود كــل الطيور .. وترجــــــع تعـمِّرْ مسكنا
**********

[ميرفابي]

بشتاق قيام
بشتاق جلوس
بشتاق وقوف
سلوى وعزوف
لهفة وكسوف
ريدة وخسوف
دمعة ودفوف
بشتاق كيان جافي وولوف
قاسي وعطوف
احساس وشوف
بشتاق ليك في كل الظروف
تسلم على الطرح الجميل
تقبل مروري