روائع محمد النصري. ..

[أم آية وإبراهيم]

أم الحسن. ..
وقفت بعد حلبت لبينة الشاي تكورك يالحسن
يا ام الحسن وينو الحسن ولمن صفت رغوة شخيبات اللبن
في حلتا المبنية من طبق السكن
واقفة في حوش البهايم ولسة تكورك يا الحسن
وتلاوي فى الحمل العنيد
جاها حسا من بعيد مارق من القاطوع ورا
قال ليها خير يا الحاجة خير
قالتلو خير تعال لي جاي
دايراك تعنون لي جواب يا الراسي لي ولدي الخدير
لاتبقي ذي شافع السرير تقولي زين آيمة زين
وتبقي بعد شهير إن جاني يكتب فد سطير
اقولو ياسجم السجم أنا ذي قرايتك ماقريت
لكن عويناتي بيفرزن الوريقة البيضا من لون القلم
بعد المغيرب بي شوي جاها الحسن تعبان يسير
العشا غنمو من الدرب سرقت ندي وشو الهجير
سوتلو شايا بي لبن قرض معاهو حرف فطير
قالتلو بسم الله قول واكتب وصيتي انا للخدير
الزمن ياولدي ماحقاهو السنين والبعيش في الدنيا مابعيش مرتين
العمير فاضلي بس منو القليل
وانت طول في البنادر يا الحبيب لآ متين
تعال نوريك حق أبوك الجنب حقيق حاج الأمين
إن عرفتو بلا عمار يقولو ولدا عندو طين
العلاج لاتنسي رسلوا لي دحين
العوينات ياجناي شوفن ضنين
سلامي انا ليك مظرف للبنيات والبنين
ولو الأرض ياولدي تنشال في الايدين
انا كت برسلا ليك في لوري الخزين

[أم آية وإبراهيم]

النصري قمة الإبداع

[السنبلاية]

روائع فى روائع ..

تسلمى ام آيه على الطرح الجميل ..

[أم آية وإبراهيم]

روائع فى روائع ..

تسلمى ام آيه على الطرح الجميل ..

انتي الروعة في ذاتك حبيبة
مرورك اراحني

[أم آية وإبراهيم]

ابوي مسكين. ..
ابوي مسكين فتح باب الصبر بالدين وشال منو
وقف في ايد الصبر بالسوط
جلد في جلد ابوي لامن مرق
جلد الصبر والصوت
فتر من جلد ابوي والموت
عرف بي انو مابيخاف ابوي منو
لأنو مصيرو راجيهو
واحنا هناك راجينو
صغار ينتظروا في الأحلام
ينومو عشان يشوفوا العيش
قبل مايشيلو منو قليل
يصيح ديك الصباح معليش
حلمكم مابشبع ليش
عشان حلم الجيعان العيش
وعيش الحلمة ماهو رغيف
وموية الحلمة ماها خريف
صحينا علي حلم تخريف
طشاش الرؤيا لاقي الزيف
ابوي مسكين ومسكينين كتار زيو
يبلو من الصبر ريقم
صديقم مابفك ضيقم
زمن لآ فيهو زول صاحب
طريقم سور الحاجب
وهمبت في عيونم خوف
وزيف في اليقين الخوف
ابوي مسكين والما المسكين بكون شحاد
ابوي عفف أيادي العفة في الزهاد
ابوي كان بحتقر شكل القروش
مانعمة في الجحاد
يعاف اللقمة كان ما اتمسحت في الزاد
ابوي لاسيد ولاكان للبسود عباد
ابوي انسان وسوداني
طبع من لونو لينا جواز
بطاقاتنا النشيلا معانا بي اعزاز
وبصم من ريقو في الأنفاس
أبوي انسان ضميرو عرف حقوق الذات
ابوي علق جلد مصلايتو شان ماضحي في الأعياد
ضبح مأساتو شان تفرح خلوق بالميلاد. ..

[ام اسامه]

اختيار موفق
يسلموا الانامل

[أم آية وإبراهيم]

اختيار موفق
يسلموا الانامل

تسلمي كتييير أم أسامة. ..مرورك أسعدني

[أم آية وإبراهيم]

رحمك الله يا أبي الحبيب. ..اللهم اجعل قبره روضة من رياض الجنة