عفوا هاكم هذه المحاولة{الزواج العرفى }

[ابراهيم عباس]

بسم الله الرحمن الرحيم
الزواج العرفى
الزواج العرفى انتشر يا اخوانا فى الجامعات
باسم التحرر تعالوا شوفوا المصيبة الجات
واحد سفيه وحقير وعندو برضو اخوات
بهتك فى العروض صاحب الضمير المات

الزواج العرفى انتشر لا فيهو مهر لا والى
انحرف الشباب وبقى من الحرام ما ببالى
ابليس اللعين بغش صاحب الدماغ الخالى
ببقالو مأذون وبكتبلو عقد الفساد طوالى

الزواج العرفى مصيبة جاتنا دخيلة
دعوة للفساد وكل انحلال ورذيلة
كم اتفككت أسر كان ليها شأن وقبيلة
برعونة سفيه شخصيتو تافهة هزيلة

الزواج العرفى العلماء قالوا حرام
فى حكم الزنا وفساد مافيهو اى كلام
برتكبو النذل الما بعرف شرائع الاسلام
الناسى الحساب وراجيهو اعمالو هناك قدام
@عفوا المقصود بعض الشباب الغافل

[آثار]

فتحي واصحي يا بنية
ما كل من وراكي اسنانه معناها صافي النية
ولا كل من نظم فيك قوافي تلحنيلو اغنية
الذيب دوام اسنانه لبرة ولضحيته مبيت النية
في توب عفافك خليك ديمة مطوية
خليك زهرة جميلة ما تكوني زهرية
كلها بقايا وشوك وفي الرفوف منسية
بدينك واخلاقك السامية كوني قوية
تلقي الحلال راجيك قدامك احلى هدية

استاذي الكريم صح لسانك والله ،،، وربنا يحفظ اولادنا وبناتنا
احترامي ،،،

[ابراهيم عباس]

فتحي واصحي يا بنية
ما كل من وراكي اسنانه معناها صافي النية
ولا كل من نظم فيك قوافي تلحنيلو اغنية
الذيب دوام اسنانه لبرة ولضحيته مبيت النية
في توب عفافك خليك ديمة مطوية
خليك زهرة جميلة ما تكوني زهرية
كلها بقايا وشوك وفي الرفوف منسية
بدينك واخلاقك السامية كوني قوية
تلقي الحلال راجيك قدامك احلى هدية

استاذي الكريم صح لسانك والله ،،، وربنا يحفظ اولادنا وبناتنا
احترامي ،،،

اسعدنى مرورك لك كل الشكر على الاضافة القيمة