يا مداعب الغصن الرطيب
فى بنانك ازدهت الزهور
زادت جمال ونضار وطيب
0
يالمنظرك للعين يطيب
تبدل الظلمات بنور
وتبدل الأحزان سرور
إن شافك المرضان يطيب
0
تعجبنى والشىء العجيب
هادي وأليف ماك النفور
بى عفتك صنت السفور
والحسن والأصل النجيب
0
أنا وإنت فى الروض يا حبيب
راق النسيم وحلى للمرور
بقى أحلى من ساعة السرور
وأدق من فهم اللبيب
0
والروضة فى موقع خصيب
حضنوها واتلافوا النهور
ترى فيها أنواع الزهور
من كل لون أخدت نصيب
0
يانع ثمارها ونص وطيب
أِبه بربات الخدور
الإنبرجن فى يوم حبور
زادن جمال ونضار وطيب
0
فى الروض غنى العندليب
ورددوا غناه الطيور
ترتيل أناشيد الحبور
وفتيانها يوم عيد الصليب
0
دنت الثريا بقت قريب
بين السلوك فى تانى دور
فى ثانية كم سطعت بدور
وأهلة كان نوعن غريب
0
شىء ينعش الروح فى الأديب
ويحيى روح ميت الشعور
للقاك تنشرح الصدور
ويفرح القلب الكئيب
القصيدة : لي زمن بنادي ..
الشاعر : عبدالرحمن الريح
------------------------------
لي زمن بنادي أنا للخديده نادي
ياناس محبوبي ساكت قصد عنادي
0
مع نزول دموعي إذا اشتعل زنادي
لصدي عن سواه اوجه استنادي
متين يهل هلالي واسمع المنادي
ينادي عن حبيبي يقول ترك عنادي
0
بسامحه لو ازاني ولو خلف معادي
حبيبي لو هجرني بحبه ما بعادي
أحب تملي قربه ويحب دوام بعادي
منعني عن وصاله وشمت الأعادي
0
قولي كيف بينجح مع الخدود جهادي
ما دام سمر عيونك مضيع اجتهادي
من الحميم شرابي ومن الجحيم مهادي
سهرت والكواكب تعلمت سهادي
0
جميل وصف جمالك يحير الشوادي
غزال نفرت مني وجعلت قلبي وادي
تجيني لو أقبل خدودك النوادي
أذوب من اللطافة ويذوب معاك فؤادي
0
أراك اسرت قلبي وملكته في الأيادي
أراك نفور وجافي وبعيد عن اصطيادي
بعيد وصف جمالك ومن الهوى ازديادي
جمال خلاف جمالك دا عندي شيء اعتيادي
أفكر فيه وأتأمل
أراه إتجلى وإتجمل
هلالى الهل واتكمل
0
تفاصيل قولى والمجمل
سأصبر ياخى إيه أعمل
إذا قلب الفتى إتحمل
مصايب الدهر وآلامه
أرى الصبر الجميل أجمل
0
حديثى ودمعى إتسلسل
فصول فى رواية تتمثل
أبين فى مواقف أستبسل
وعند رؤيا الحبيب حالاً
أبين فى مواقف أتوسل
0
هواه بجسمى إتخلل
مجارى الدم إذا إتحلل
وقيع لى رضاه إتذلل
وما هماه يا سيدى
دا واحد أصلو بتدلل
0
ترك أفكارى تتضلل
وعذرو البيهو يتعلل
فما شرع الهوى حلل
لقانا نهار
ولا فى الليل اذا أليل
0
صريح قانون هواك خول
هلاكى وقلبى ما تحول
حقيقة وليس تتأول
صريع لحظات سيوف لحظك
وحالى ان شفتو تتهول
0
تذكر عهدنا الأول
صحى الأيام بتتدول
قريب يوم داك ما طول
مضت لحظات ويا حليلها
بقت أحلام وتتأول
غزال البر يا راحل
حرام من بعدك الساحل
أنا البي حالي ما سائل
أنا المنى الفؤاد مضنى
أنا المنى الدمع سايل
أعاني عذابي الهايل
أخذ مني الفؤاد ماخد
ونال مني الهوى نايل
0000
سميري الأنجم الزهرى
نهاري ليله متواصل
فقدت منامي واحلامي
ومافي من الألم فاصل
جميع الإنت ترضاه
جميل منك ولي واصل
0000
تأكد ماكذبتك شي وحات روحك هو الحاصل
أنا مجنون هواك لكن
بظهر بمظهر العاقل
أخاف على حبك اضمضم
أخاف يجد الكلام ناقل
0000
حبيبي تبين الأخبار
أراك اليوم بحبك عازل
يريد يوشيك عن حبيبو أعلم إنه مرازل
أقول ليك الكلام الجد
ولا أنا في الكلام هازل
ولا أنا للوداد تاني
ولا عني حبي متنازل
مقاصدي آه ما أجسما
أبني الفكر وأهدما
والعين تسيل دمع الدما
والدمعة مرات أعدما
ليه حقيقة روحي اقدما
ليته يرضى ويخدما
0
حواسي مالها.. كلما هبت نسيمة تألما
روح يانسيم لها كلما
أنا المعذب لـل اللما
عجبًا ملاك ساكن حما
في حماية الحما اتحمى
منعوا الدلال يظهر حما
هلك النفوس وأبا يرحما
ومن هجره .. يا حامي الحمى
0
كم من محاسن وأعظما
فيك خايلة خلقة منظمة
زي معنى شاعر ناظما
صفاء بهجتك ما أعظما
شوفتك ظمأ وتروي الظما
0
حي المسالمة ومسلما
ذكراها أنسي أقل ما
الذكرى دايما مؤلمة
لله أموري أسلما
للقمرا مالقيت سلما
لي نية في قمر السما
أنا صادق في حبك لو قلبي
يتصل بي قلبك .. هذا مقصودي
0
أنا أقصد ودك وأنت تحرمني
النظر في خدك .... لأذاي
ديمة باذل جهدك مع علمك بهواك
منذ أيام مهدك ... إنت مريودي
0
أمتى تنجز وعدك وعني يذهب نحسي
ولي يطلع سعدك ... يا حبيب غثني
ما بطيق نار بعدك وأنت عارفني
ما بعيش من بعدك ... إنتهى وجودي
0
الشباب في عصرك جملة معترفين
لجمالك وحسنك .. يا مهدّل يا مفدّل
يا المهفهف خصرك الكواكب والحور
قاصرين عن قدرك .. كيف أنا هجودي
0
أمتى يفرج سجنك وأشوف صورتي
في مراية وجنك ... تنجلي عيوني
بي تغزُل حسنك أكوي عزالي
بالتقرب منك وفيك أرى سعودي
0
قال لي لازم .. صبرك من وصالي قريب
الدخول في قبرك من زمن يا عشوق
لي قاهر أمرك والعفاف يمنع قلبي
ليك يتحرك .. والجفا شهودي
0
قلت له بحق .. ربك أسلي كل .... أهلي
لو حظيت بي قربك حظي لو ... ساعد
ثانية بس أظفر بك بعد ذلك أموت
ما في شك بفخر بك أنت مريودي
*************
الشال منام عينى
وفؤادى جارحه
انشا الله يلاقينى
وبهواى أصارحه
000
نتقابل الأتنين
واشكى له مر البين
لعل قلبه يـلــــيــــن
يعطف على المجروح
والروح تناجى الروح
والعين تشوف العين
والأيد تصافحه
000
أقول ياحبيبى
متين تبقى قريبى
ليك بى المودة أبوح
بين الرياض والدوح
جالسين ومتآنسبن
وأنا واب عيون ناعسين
فى الحب أفاتحه
000
نقيف فى شاطىء النيل
يعطف على ويميل
أقول ليهو إنت ياجميل
000
يابدر نور ولوح
يازهر عطر وفوح
ولا إنت اسمك مين
قال فى ابتسام ... ياسمين
عبقت روايحه
*************
أفكر فيه وأتأمل
أراه إتجلى وإتجمل
هلالى الهل واتكمل
0
تفاصيل قولى والمجمل
سأصبر ياخى إيه أعمل
إذا قلب الفتى إتحمل
مصايب الدهر وآلامه
أرى الصبر الجميل أجمل
0
حديثى ودمعى إتسلسل
فصول فى رواية تتمثل
أبين فى مواقف أستبسل
وعند رؤيا الحبيب حالاً
أبين فى مواقف أتوسل
0
هواه بجسمى إتخلل
مجارى الدم إذا إتحلل
وقيع لى رضاه إتذلل
وما هماه يا سيدى
دا واحد أصلو بتدلل
0
ترك أفكارى تتضلل
وعذرو البيهو يتعلل
فما شرع الهوى حلل
لقانا نهار
ولا فى الليل اذا أليل
0
صريح قانون هواك خول
هلاكى وقلبى ما تحول
حقيقة وليس تتأول
صريع لحظات سيوف لحظك
وحالى ان شفتو تتهول
0
تذكر عهدنا الأول
صحى الأيام بتتدول
قريب يوم داك ما طول
مضت لحظات ويا حليلها
بقت أحلام وتتأول
أنا صادق في حبك لو قلبي
يتصل بي قلبك .. هذا مقصودي
0
أنا أقصد ودك وأنت تحرمني
النظر في خدك .... لأذاي
ديمة باذل جهدك مع علمك بهواك
منذ أيام مهدك ... إنت مريودي
0
أمتى تنجز وعدك وعني يذهب نحسي
ولي يطلع سعدك ... يا حبيب غثني
ما بطيق نار بعدك وأنت عارفني
ما بعيش من بعدك ... إنتهى وجودي
0
الشباب في عصرك جملة معترفين
لجمالك وحسنك .. يا مهدّل يا مفدّل
يا المهفهف خصرك الكواكب والحور
قاصرين عن قدرك .. كيف أنا هجودي
0
أمتى يفرج سجنك وأشوف صورتي
في مراية وجنك ... تنجلي عيوني
بي تغزُل حسنك أكوي عزالي
بالتقرب منك وفيك أرى سعودي
0
قال لي لازم .. صبرك من وصالي قريب
الدخول في قبرك من زمن يا عشوق
لي قاهر أمرك والعفاف يمنع قلبي
ليك يتحرك .. والجفا شهودي
0
قلت له بحق .. ربك أسلي كل .... أهلي
لو حظيت بي قربك حظي لو ... ساعد
ثانية بس أظفر بك بعد ذلك أموت
ما في شك بفخر بك أنت مريودي
القصيدة : جوهر صدر المحافل
**----------------------------- **
ياجوهر صدر المحافل روحي معاك اتلطفيله
000
مالدور الفي حليه رافل في حكمك لقلوبنا قافل
كالظبي الفي مقيله غافل تارة يميل والتانية جافل
وجه ينور والبدر آفل فوق للبدر يزيد نفيله
000
ليك جوز عين نعسان وكاحل زي وجدي اللي جسمي ناحل
بحر الشوق ماليه ساحل بنسب نوحي علي البلابل
وإنتي القمرة بتنسبيله
000
الغصن البتنى مايل طيره ينوح بي غصنه مايل
أهوى نسيم لي فكري شاتل الأسد الفي القيد يناتل
يتأكد ماليه كاتل غير مكحول ظبي النتيله
000
المرنوع بي كنفه هادل درعه يميل بي خصره جادل
أنا نايم والليل سادل شرط الحاكم يبقى عادل
مايمنع طيفك يغازل أنا في الحب لي روحي بازل
داخل قلبي ليك منازل يا لايم لاتبقى هازل
هل عاشق يسمع لعادل خلي نصيحتك عني زيله
000
يوقد شوقي ودمعي هامل جمر الحب لي جسمي شاعل
كيف لا تشعل في مشاعل لو الدهر بي حالي جاهل
في الأنجم أسأل سهيلة
000
أنا في الريد مالقيت وسائل غير بث النسمات وسايل
أغرب شي وعجبنا سايل حلم الصاحي ودمعه سايل
لو شكيت في أمري سائل البدري كونك مثيله
000
يوقد شوقي ودمعي هامل جمر الحب لي جسمي شاعل
ضاق بي الكون مع إنه ماهل دمي يخضب للأنامل
هل يرضيك كدا ياجميله !!!
القصيدة : جوهر صدر المحافل
**----------------------------- **
ياجوهر صدر المحافل روحي معاك اتلطفيله
000
مالدور الفي حليه رافل في حكمك لقلوبنا قافل
كالظبي الفي مقيله غافل تارة يميل والتانية جافل
وجه ينور والبدر آفل فوق للبدر يزيد نفيله
000
ليك جوز عين نعسان وكاحل زي وجدي اللي جسمي ناحل
بحر الشوق ماليه ساحل بنسب نوحي علي البلابل
وإنتي القمرة بتنسبيله
000
الغصن البتنى مايل طيره ينوح بي غصنه مايل
أهوى نسيم لي فكري شاتل الأسد الفي القيد يناتل
يتأكد ماليه كاتل غير مكحول ظبي النتيله
000
المرنوع بي كنفه هادل درعه يميل بي خصره جادل
أنا نايم والليل سادل شرط الحاكم يبقى عادل
مايمنع طيفك يغازل أنا في الحب لي روحي بازل
داخل قلبي ليك منازل يا لايم لاتبقى هازل
هل عاشق يسمع لعادل خلي نصيحتك عني زيله
000
يوقد شوقي ودمعي هامل جمر الحب لي جسمي شاعل
كيف لا تشعل في مشاعل لو الدهر بي حالي جاهل
في الأنجم أسأل سهيلة
000
أنا في الريد مالقيت وسائل غير بث النسمات وسايل
أغرب شي وعجبنا سايل حلم الصاحي ودمعه سايل
لو شكيت في أمري سائل البدري كونك مثيله
000
يوقد شوقي ودمعي هامل جمر الحب لي جسمي شاعل
ضاق بي الكون مع إنه ماهل دمي يخضب للأنامل
هل يرضيك كدا ياجميله !!!
هل تدري يا نعسان أنا طرفي ساهر
جسمي إضمحل بغرامك وإنت زاهر
000
أنا حالي ظاهر عاشق نبيل ياجميل ليك حبي طاهر
وشاعر مجيد لغناك فنان وماهر
بسحر دلالك وكرم خلالك
وعشان جمالك أوهوى القمر والنيل و أهوى الأزاهر
000
ليل ونهار أنا لي حيك بهاجر
أخذني نورك ياساحر المحاجر
لاأخشى لوم في هواك لاأخشى زاجر
مهما الأقي كم طول فراقي وفرط إشتياقي
حافظ عهودك وحياة خدودك يا اللي هاجر
000
حسنك بديع ياوديع في عصره نادر
حكم صفاك مولاي ذو حكمة قادر
مكتوب هواك لي ضناي يا حبيبي صادر
ماكر شفاي وأراك على طبي قادر
000
وأنا برضه آمل تعطف تجامل بمس الأنامل
تشفي الجروح والروح ولي لقاى تبادر
الشادن الكاتلني ريده
هلك النفوس و الناس تريده
مالو لو يرحم مريده
الكون وحيده والكون فريده فيه لا يوجد طريده
نظم العقول في سلك ريده لبسن قلايد في وريده
الجيل قديمه علي جديده
ليه اعترف معدوم نديده
فاق السلاح و كسر حديده
نقرابي في صفحة خديده
يصعب علي وصف قصيده
وصعب علي نظم قصيده
ده غزال سارح بين صيده
يا ريد محال شركك يصيده
إنسان كحيل ناعس هجيده
جيد الغزال كانه جيده
مهما أقول القول أجيده
أنا وصفه كيف أقدر أجيده
كلما أقول الحظ يعيده
نحس الزمان يسبق سعيده
القطر دانيه وبعيده
هو هلال صيامه و يوم عيده
