حقيبة الفن وتجلى شعرائها فى الوصف الجميل للإنثى

[بانه]

حلوووووووة القصيدة دي
بنوش ليش وقفت البوست ده

ح نواصل قريب ان شاء الله

[مرسال الشوق]

ح نواصل قريب ان شاء الله

ان شاء الله
وانت كيفك يابت يامخربشة انت

[بانه]

ان شاء الله
وانت كيفك يابت يامخربشة انت

تمام الحمد لله

[بانه]

القصيدة : نظرة يا السمحة أم عجن

للشاعر الكبير : سيد عبد العزيز



نظرة يا السمحة أم عجن

لو كان قليل تبرى الشجن

أعرف صفا الأيام أفيق

أنظر جمال تلك الوجن


دولات صدودك ماوعن

آلام وبى اتدرعن

أبكى وأصيح متضرعاً

يا ناس دموع عينى ترعاً


أرحمونى مارضنى الظعن

أمالى جور لى قاطعن

أحشاي هديل أتقطعن

وبالفرقة نشابك طعن


يا منبع النور والفطن

يا الفقتى يعرب والرطن

فى جوفى من حبك قطن

يا جاهلة مليون ألف طن
--
كيف أسلى عينيك والوجن

يالبسمتك نور الدجن

جسمك حرير ناسجو العجن

ناضر وباللون إنعجن


الضاوية زى خديك من

فى الدنيا يا نور الزمن

أرواح نسائمك لى رمن

نرجس مزج لى مسك اليمن


ما أحلاك يا الجيدك شدن

يالعمرى فيك ضائع سدىً

أنا عندى شوفتك يا اللدن

أحسن من الروح فى البدن


يا منبع الذوق آه يا من

حبك غرز فى الجوف كمن

يا غالية قط ما ليك تمن

إن هب أو جار الزمن


ليك السلام ما ولعن

خديك بالنور يلمعن

وعدد النجوم ما يطلعن

يرضيك وبيك لى يجمعن