رواد الفن الاصيل فى السودان

[مها]

خاااااف !!

من الله على قلبي ..

و قلبى ..من غرااااامك خاف ..

زرعت الشوك على دربو ..

وياما في هواكم شاااااف قلبي !!

سنين وايام قضيت عمري..

في لوعة !!

انادي الليل.. واقول ياليل ..

انا المظلوم عزااااى .. دمعة

دموعي تسيل ..وليلي طويل

وعايش.. في مهب الريح براااااي ..شمعة

خسارة قلبي في حبك..

وااه .. خسارة !!

علمتو يحبك ..ولما سار في دربك ..

رحت وسبت حبيبك ليه !!

يا خسارة املي واملك.. وااه خسارة ,,

كنا بنبني الجنة ..ولما خلاااااص قربنا ..

رحت هدمت سعادتك ليه !!

يا خسااااارة .. دمعي ودمعك.. وااه خسارة

ياما سهرنا ليالي ..ياحليلك يا غااااالي ..

وياما في هواكم شاااااف قلبي ..

كفى !!

يا قلبي انسى الفات.. وعيش من تاني وحدااااااني ..

ولو حنيت لعهد الشوق.. اجيب من وين عمر تاني !!

كفى يا قلبي شفت الويل ..وليل السهد بكااااااني ..

بعد ما تبت من النار حراااااام .. تتجدد احزاني ..

يضمك ليل ويطويك ليل ونار الويل مهاادك

يا مظلوم وما ظالم حليلك والعمر فااااااني

ويااااااما.. في هواكم شاف قلبي

[مها]

وآ أسفاي


وحاتكم انتو وا أسفاي
إرادة المولى
رادتني وبقيت غناي
أسوي شنو مع المكتوب
أسوي شنو؟
براهو الواهب العطاي
منو ..
منو البدور يساهر الليل
ويسافر
فوق جناح الشوق
يكوس نجماً بعيد ضواي
منو ..
إذا وصفولو أرض الحور
تلاقي قوافلو طول الليل
تشق التيه
تجر النم
مع الحردلو في الدوباي
وا أسفاي
ببيع الدنيا
كل الدنيا وا أسفاي
عشان خاطر عيون حلوين
وا أسفاي
منابع الطيبة متجاورين
وا أسفاي
ومتسامحين في السمحين
واسافر فوق صُبي العين
معاك سلامة
يادنياي

بتمدد وبتوسد
وسادة شوق
وبنوم مرتاح وخالي البال
واقالب تاني عهد صباي
عشان ما تبكي
ببكي أنا
واحاكي الطرفة
في نص الخريف بكاي
حمولي تهد جبال الشيل
وفايت في العتامِ الليل
ومتوكل عليك يا الله
دافر الليل
بِريق البسمة إن لاح لي
بتتفتح مشاتل الريد
واحسك جوا ..
زغرد فيها صوت الناي
وا أسفاي
وحاتكم انتو وا أسفاي
أسفاي
إذا ماشفت ناس سمحين
يتاتو ..
زي قدلة جنا الوزين
يتاتو
تلاقي قليبي يرمح جاي
لما يتاتو
زي قدلة جنا الوزين
يتاتو
حليل الكان بهدي الغير
صبر محتار يكوس هداي
من ناس ديلا
وا أسفاي
من زي ديلا
وا أسفاي
إرادة المولي رادتني
وبقيت غناي

[مها]

الصغيرة..

شجيرة الأرااااك!!

ياقمر عشرة الفي سماك..

شاغلة روحي.. وقلبي المعاك..

وين لقيتك !!

لامن آباااااك ..

القمر بوبا عليك تقيل..



بوبا عليك تقيل..

يا قمر بوبااااا .. عليك تقيل

الجزيرة ام بحرا حمى ..

فيك روحي.. وحبي النما

مابسيبها ان بقا في السما..

ما بخلي الناس تظلمها

روحي في دربك سايمها

يا غرقت !! يا جيت حازمها..

القمر بوبا عليك تقيل



الصغيرون الما كبير..

الرقيبة قزازة عصير..

العيون متل الفناجين

السنون براقن يشير..

مابتحش.. قشة تناقير

مابتشيل.. جردل على الزير

الزراق فوقها تقول حرير..

شتتي الشبال.. يا ام ضمير

خلي قلوب الصبيااااان..

تطير !!

انتي ريحتك دمور فرير

ولا.. بت السودان اصيل..

القمر بوبا عليك تقيل..



القديمها قديم الحمام

الوزيزين في موجو عام

يا ما رايقة قليلة كلام

وآآآآ حلاتها!!

تقول السلام..

يااااا القمر.. بوبا عليك تقيل..



الديوان الديمة مقشوش..

بالزهور.. والورد معروش

بالحرير الأصلي ..مفروش

ريحتو مايقوما بلا رتوش..

كان دا وصفو.. ماهو مغشوش

قدروا ..الساكننو في الحوش!!

القمر بوبا عليك تقيل



بحر الدميرة العب ونزل..

مرة يسقي الفل والنخل

فيهو عام وزينا وقدل..

يانى أنا.. البيك عقلي انشغل..

بعت روحي عشان ليك اصل

وانت ابعد لي ..من زحل!!

يا قمر بوبا عليك تقيل..



الغزال الفوق في السلم..

المحبة تذيدى الألم!!

كل يوم اصبح لي في هم

سيسبان.. عودك منظم

شمعدان نفسك يا أم ختم

البرتكااااان ..

يا قمر بوبا عليك تقيل!!



المبااااارك ..شيخ الظهر

العليك.. ساسكت و فترت..

قلى جنيت!! ولا دسترت ??

اي.. أنا المرضان مكنتر..

جابولي حكيم.. خير وشر

قال لى..

يااااا زول !!!!

مرضك كتر.. سببك ام شلاخا خضر

القمر بوبا عليك تقيل..



الصغيرون ام الجنى ..

ياكريم ربي تسلمها..

تبعد الشر من حلتها..

جنة للأم الولدتها..

الفي جبل عرفات.. وضعتها

تسلم البطن الجابتها

دي ترباية حبوبتها

التميرة الفي سبيطتها..

الصفار صابغ خضرتها..

معزورة امها كان دستها

وآآآآ هلاكي ..الناس شافتها..

معزباني.. انا ود حلتها..

القمر بوبا عليك تقيل



الدفيفيق الدابو .. ني

البسيمتو تكويني.. كي!!

اهلو ضنوا عليهو.. وعلي..

حبك النسااااانى والدى..

ما بخليك.. ان بقيت حي..

يا قصيبة السكر الني..

ووووب على أمك.. ..

و وبين علي..

ياا قمر بوبا.. عليك تقيل



العيون الما.. بدمعن..

نامن.. أو صاحيات يبرقن

لا بصيدن.. لا يعتقن..

سرهن في الجوف يحرقن..

كشفن رموشن أو غمضن..

كلووووو..

موت!!

مااااا .. تقول يرحمن!!!!

القمر بوبا عليك تقيل..

[مها]

حنينة
لشاعرنا الراحل المقيم بيننا بإبداعاته إسماعيل

ياما دربك كنت بفرشو ورد وحنية واماني
ياما عهدك صنتو وما خنت وكان ليك حناني
ياما من ليلي ونهاري ودمعي بنسج لك أغاني
وكل كلمة من غناي فيها من حبك معاني
إن نئيت برجاك
وان نسيت بطراك
وان قسيت بهواك

جيت اعاتبك واشتكيلك واشرح الحب من بدايتو
قلب خادع مافي رافع بس عليك تسمع حكايتو
انت حاكمو وانت مالكو وانت في ايدك وصايتو
انت لو حكمت قلبك ما اظن ترضى بنهايتو
العهود صونوها
اوعو لا تخونوها
دا حرام تنسوها

تبقى جنبي ونسى كل الدنيا نغرق في الأماني
واشتكيلك يا حبيبي منك انت ومن زماني
في غيابك ياما ليل الغربة بالآلام رماني
ابقى عيني وابقي روحي وابقي قلبي يا حناني
يا أمل يا لطفي يا حنية وينك من عيوني
لو تعود وتجيني
القى فيك حنيني
وانسى بيك انيني

ابتساماتك ربيع دنياي ياما عشت فيها
فتحت في دربي أشواق الليالي البشتهيها
دي السعادة المن زمان بسأل عليها
بكياني بشبابي بحياتي افتديها
الإله يرعانا
هدا الغرام ضمانا
ونحن ما أحلانا

لو بكاي هماك
لو شقاي هماك
ما كنت يوم
فارقتني
خاصمتني
عذبتني !!!

[مها]

خاف من الله
اسماعيل حسن

خاف من الله على قلبي
من غرامك خاف
زرعت الشوك على دربو
وياما في هواكم شاف قلبي

سنين وايام
قضيت عمري في لوعة
انادي الليل واقول ياليل
انا المظلوم عساي دمعة
دموعي تسيل وليلي طويل
وعايش في مهب الريح براي شمعة
انادي الليل واقول ياليل
ياما في هواكم شاف قلبي

خسارة قلبي في حبك واخسارة
علمتو يحبك
ولما سار في دربك
رحت وسبت حبيبك ليه
يا خسارة املي واملك وا خسارة
كنا بنبني الجنة
ولما خلاص قربنا
رحت هدمت سعادتك ليه
يا خسارة دمعي ودمعك وا خسارة
ياما سهرنا ليالي
ياحليلك يا غالي
وياما في هواكم شاف قلبي

يا قلبي انسى الفات وعيش من تاني وحداني
ولو حنيت لعهد الشوق اجيب من وين عمر تاني
كفى يا قلبي شفت الويل وليل السهد بكاني
بعد ما تبت من النار حرام تتجدد احزاني
يضمك ليل ويطويك ليل ونار الويل ميهادة
يا مظلوم وما ظالم حليلك والعمر فاني
وياما في هواكم شاف قلبي

[مها]

نور العين للشاعر اسماعيل حسن

قلبي الحابيك ما خان لياليك
ما ناسي الماضي ماتقول ناسيك
ما بدل حبو ابدا ماتنكر ليك
لكن الأشواك والنار حواليك
يانور العين
يانور العين انت وينك وين

في اللون الأسمر ذوبت شبابي
وعشقت الجنة وفي الجنة عذابي
صابر وبتألم والمر دا شرابي
ياحليل الراحو ياحليل احبابي
يا نور العين
يا نور العين انت وينك وين

الشعر الناعم بي عطرو اسرني
والوجه الناير بي نورو غمرني
عيونو النعسانة برموش تجرحني
خلتني متيم وين راحت مني
يا نور العين
يا نور العين انت وينك وين

انا والأنغام والعود في ايدي
بحكيلو حكايتي ويعيد ترديدي
واشكيلو همسة أو عذب نشيدي
ياما الأوتار تفضحني من ريدي
يا نور العين
يا نور العين انت وينك وين

[مها]

غلطة للشاعر اسماعيل حسن


غلطة كانت غرامي ليك
وا خسارة دموعي فيك
غلطة قلبي سلمتو ليك
ما كان مكانو وما كان يجيك
يوم لقيتك علي ما كان يوم يا مبدل شجوني هوى
عني ايه قالو عني ايه

كنت تايه وكنت غريب
وانا افتكرتك اعز حبيب
ياما قلبي يخطا ويصيب
والعذاب لي كان نصيب
من عرفتك جفاني حتى النوم يا مبدل شجوني هوى
انت حبك جنيت عليه

كن طلعت القمرة وجيت
ولو حلفت برب البيت
ما بريدك ..
ما بريدك مهما بقيت غلطة كانت وكان ابيت
يا الفراقك علي كان مكتوب يا مبدل شقاي انا
انت حبك جنيت عليه

[مها]

صدفة
وأجمل صدفة انا يوم لاقيتا
أسعد يوم يومي الحييتا
نور عينية ياما حبيتا
النظرات بريئة وممزوجة بخجل
البسمات تضوي زي نور الأمل
وجهك بين مسايرك زي بدر اكتمل
والشامة في خديدك زي طعم القبل
تسكر قلبي وتشعل حبي يشهد ربي انا بهواك
ما قادر اقولك عن حبي الكبير
وصفو علي قاسي وعايش في الضمير
قدر الكون دا كلو حبي واكبر بي كتير
مالكني محيرني شوف قلبي الأسير
اسألي قلبك يمكن يقدر يشرح حبي أنا محتار
صدفة عيوني شافت ليلي الباكي نور
يا أيام ربيعي عمري معاكي أزهر
فيها الطير يغني ومن الحاني يسكر
عمري فراشة حولك وانت شبابك أخضر
ياما بحبك وبعبد حبك علشان حبك روحي فداك

[مها]

العهود صونوها


ياما دربك كنت بفرشو ورد وحنية واماني
ياما عهدك صنتو وما خنت وكم ليك حناني
ياما من ليلي ونهاري ودمعي بنسج لك أغاني
وكل كلمة من غناي فيها من حبك معاني
وإن نئيت برجاك
وان نسيت بطراك
وان قسيت بهواك

جيت اعاتبك واشتكيلك واشرح الحب من بدايتو
قلب خادع مافي رافع بس عليك تسمع حكايتو
أنت حاكمو وأنت مالكو وأنت في أيدك وصايتو
أنت لو حكمت قلبك ما أظن ترضى بنهايتو
العهود صونوها
اوعو لا تخونوها
دا حرام تنسوها

تبقى جنبي ونسى كل الدنيا نغرق في الأماني
واشتكيلك يا حبيبي منك أنت ومن زماني
في غيابك ياما ليل الغربة بالآلام رماني
ابقي عيني وابقي روحي وابقي قلبي يا حناني
يا أمل يا لطفي يا حنية وينك من عيوني
لو تعود وتجيني
القى فيك حنيني
وانسى بيك انيني

ابتساماتك ربيع دنياي ياما عشت فيها
فتحت في دربي أشواق الليالي البشتهيها
دي السعادة المن زمان بسأل عليها
بكياني بشبابي بحياتي افتديها

[مها]

بـــــــــــلادى

بلادي أنا
بلاد ناسا في أول شئ
مواريثهم كتاب الله ،
وخيل مشدود،
وسيف مسنون حداه درع،
وتقاقيبهم تسرج الليل مع الحيران
وشيخا في الخلاوي ورع
وكم نخلات تهبهب فوق جروف الساب
وبقرة حلوبة تتضرع وليها ضرع ،،،
وساقية تصحّي الليل مع الفجراوى
يبكى الليل ويدلق في جداولو دمع
يخدر في بلادي سلام ..
خدرة شاربي موية النيل ..
تزرد في البوادي زرع
بلادي أنا بتشيل الناس وكل الناس
وساع بخيرها لينا يسع،
وتدفق مياه النيل علي الوديان
بياض الفضة في وهج الهجير بتشع،،،
بلادي سهول ،،بلادي حقول،،
بلادي الجنة للشـافوها ،أو للبرة بيها سمع ،،
بلادي أنا بلاد ناساً تكرم الضيف
وحتى الطير يجيها جيعان
ومن أطراف تقيها شبع ،،
بلادي الصفقة والطنبور ،،
وبنوتاً تحاكي الخيل
،يشابن زيي جدي الريل،
وشبالن مكنن في طريفو ودع ،،
بلادي أمان ،،بلادي حنان،،
وناسها حنان ،يكفكفوا دمعة المفجوع ،
يبدوا الغير علي ذاتهم ،
يقسموا اللقمة بيناتهم ،
ويدوا الزاد ،حتى إن كان مصيرهم جوع ،
يحبوا الدار ،
يموتوا عشان حقوق الجار ،
ويخوضوا النار عشان فد دمعة ،،
وكيف الحال كان شافوها
سايلة دموع ؟؟،،،،
ديل أهلى..
البقيف في الداره
وسط الداره
وأتنبر وأقول للدنيا ديل أهلي
عرب ممزوجة بي دم الزنوج الحارة..
ديل أهلي
ديل قبيلتي ، لما أدور أفصل للبدور فصلي..
أسياد قلبي والإحساس
وسافر في بحار شوقم زمان عقلي
أقول بعضى..
ألاقيهم تسربوا فى مسارب الروح بقو كلي
محل قبلت ألقاهم معايا، معايا زي ضلى
لو ما جيت من زي ديل..
كان ،أسفاي..
وآمأساتي..
وآذلي..
تصور كيف يكون الحال
لو ما كنت سوداني وأهل الحارة ما أهلي

[مها]

جواب بالليــــد

عَليكُم الله يَا الرّاحْلِينْ
ويَا مْسَافْرِينْ
ويَا الدَّاجِّينْ
ويَا الشَّاقِّينْ
!!..بطوُنْ التِّيهْ ومَا عَارْفِينْ
سَلاَمِى كَتِيرْ
تَشِيلوُهُوا
وفِى أطْرَافْ
كُفَانَتكُمْ تَصرُوّهُوا
تَودُّوهُوا
وتَدُّوهُوا
لِحَد الزّينْ بنَيَّةْ شيخْنَا إسْمَاعِينْ
سَلاَمْ سَنَتينْ
سَلاَمْ عُمْرَنْ
صِبِحْ يَايُمَّه لاَ يَسْوَىَ
بِقىَ بَاهِتْ
خُطُوطْ مَطْموُسَة
فُوقْ لوُحْ الزَّمان
مَمْسوُخَة
مَابِتْبينْ
مَا بتَنْشَافْ
معَدْ زُولَنْ
يَتَبِّنْ فِيَها بالايدينْ
عَليكُمْ الله يَا مْسَافْرِينْ
ويَا الدّاجِّينْ
أَنا مُشْتَاقْ
وَكَايِسْ أمِّى يَا رَاحْلِينْ
لَوْ لِى لَحْظَةْ
لَوْلِى ثَانْيَة
بَسْ أدُّونِى
رَمْشَةْ عِينْ
فِى حَدّ الزّينْ
بِنَيَّةْ شيخْنَا إسَْماعِينْ
عَشَانْ
طَوّلْتَ
مَارَسَّلْتَ
مَا سَطَّرْتَ
حَتَّى
انْ كَانْ
جَوَابَنْ فِيُه لَوْ سَطْرينْ
لحَدّ الزّينْ
بَوَصِّيكُمْ
وَعضارِفْ أمِّمى رَاجْيَاكُمْ
عَشَانْ تِتْنَسَّمْ الأخْبَارْ
بِتَنْشِدْكُمْ
تَنَاشِدْكُمْ
تَحلِّفْكُمْ
وَمَا* بْتِرتْاَحْ
إلأّ إنْ قُلْتُوا
موُ أسْمَاعِينْ
قِريبْ
جَايِّيكىِ ..يَا حَنّينْ
وُ قُولُو ا ليهَا
يَومْ قَايْمِينْ
جَابْليِنَا السَّلاَم بالكُومْ
خَسَاره جَوَابُه مَا مَخْتُومْ
وَ كَانْ
قِدَّامْنَا بِحْلِفْ بِيكْ
وَقَالْ
يَا وَالْدَة مَا نَاسِيكْ
!! وَكِيفْ سَنْسَاكْ..؟
وَ حَتّى انْ كَاسُه
مَا بِيْقدَرْ
لأنُّه حَنِينْ
وَشُوقْ ضَايِعْ
كَدٍى شُوفيهُو
عَايِشْ فِيكِ يَا حَنّينْ
كَلامْ
قِدّامْنَا نِحنْ ..كُتَارْ
كَلامْ
مِنْ قَلْبُه كَانْ بيَقُولوُ ..
مَا هُو هِزَارْ
حُروُفَنْ
شَارْبَه
مِنْ لهَبْ الحَنينْ الحَارْ
كَلامْ مِسْكِينْ
عَلى دَرْبَ الضيَّاعْ مُحْتَارْ
كَمَانْ
قُولوُلهَا ..يَا مْسَافْرِينْ
عَدِيلْ
شُفْنَاهُو
وَدَّعْنَاهُو
خَليّنَاهُو
سَتَّفْ عَفَشُو
مِنْ بَدْرِى
ومِنْ سَنَتينْ
خَتَم تَسْرِيحُو
مِنْ سَنَتينْ
عَشَانْ جَايِّيكِى يَا حَنّينْ
ومِن سَنَتينْ
عَلَى دَرْبَ الرَّحِيلْ قَاعِدْ
يَلَوِّحْ
دِيمَه لِلرَّاحْلِينْ
يوَدِّعْ دَيلْ
يوَصِّيهمْ يَواعِدْهمْ
وَلَحْظَةْ جَيْتُو مَا بتْطُولْ
قَرِيْب وَاَعِدْ
وَ شَادِدْ نُوقُو
مِتْجَهِّزْ عَشَانْ صَاعِدْ
وَكَايِسْ رِفْقَه
لِلدَّرْبَ الطَّويلْ الشِّينْ
كَمَانْ
قُولُولهَا ..يَا مْسَافْريِنْ
قَوافِلْ النَّاسْ
تَجِى وتَروُحْ
ومَشْدُوهِينْ
وَ أنا مِنْ شَدْهَتُنْ
مَشْدُوه
قَدُرْ
بَاصَرْتَ مَا قَادِرْ
ألاَقِى
فِريقَه قَدْرَ الرُّوحْ
وَ خَايفْ ..يُمَّه
لَوْ سَافَرْتَ
مِنْ دُونْ رِفْقَة
مِنْ دُونْ نَاسْ
بطِشْ
عَارْفَانىِ يُمَّه بَرُوحْ
وَاتُوه
فى العَتْمهَ
وَينْ ألقاكِ ..يَا حَنّينْ ؟؟
وعَارْفِكْ
يُمّه خَايْفَه ..عَلَىْ
ورَغْم الشّيبْ
تَلوُلينى
وَ فى حِجْرِكْ
بَنُومْ يَا يُمّة
تَفْليِنىِ
تَخَالِينى
تَحَجِّينى
وَ اتُوهْ فى حِضْنِكْ الدَّافِى
وَ ارُوحْ فِى عَالَم الأفْرَاحْ
وَ اعُودْ مِنْ تَانِى
زَىْ مَا كُنْتَ
أبْقَى ..جِنَىْ
وَصِيْتِكْ يُمَّه
فى أعْمَاقِى ..بِتْزَغْرِدْ
تَولْوِلْ
فىِ مَسَارْب الرُّوحْ
كَأنهَّا
رَعْشَةْ التِّيَارْ
وَصِيْتِكْ
لَىْ أرافْق النَّاسْ
رِفقْةَ النَّاسْ
بِتْكَسِرْ حِدَّةْ الأسْفَارْ
حَتَّى انْ كَانْ
رُكُوبىِ قِطَارْ
وَخَلّى اللّيلْ
وصَيِتِْكْ
!! لَيَّه ..حَتَّى..نَهارْ..
مِن (( السَجَّانَه))
تَبْرِينِى
نَتْقََاوَدْ
تَقَادْمِينِى
تَوَصِّينِى
وَتَانِى جَدِيدْ تَوَصِّينِى
وَتبْكِى كَتِيرْ
كَتيِرْ وَ غَزِيرْ
عَشَانْ مُشْوَارى..
لِى مُكْوِارْ..
وكيفْ
يَايُمَّه عَادْ أقْدَرْ
أسَافِرْليكِى
فِى بَحَرَنْ
وَسِيعْ هَدَّارْ
وشِى مَجْهُولْ
وَحَاتِكْ يُمَّه
لاَ بِنْطَاقْ وَ لاَ بِنْدَارْ
بَخَاف
رِيحْ العَدَمْ
يا يُمَّه فِى الأغْوَارْ
بَخَافْ يَايُمَّه
أصْلِى بخَافْ
مِن الأَقْدَارْ
بَخَافْ الجَّنَّة ..يَايُمَّه
وخُوفِى كَتِيرْ
مِن الأَهْوَالْ
وصُوتْ الصَّاقْعَة
!!.. جُوَّة النَّارْ
بَخَافْ
مِنْ* أَيّى
شِى بَعْدِكْ
بخَافْ الغُرْبة
لَمأّنْ عَشْعَشَتْ
!!..فِى الدَّارْ
وَانْتِى تَعَرْفى يَا حَنّينْ
لأَنِّكْ سَيْدَة العَارْفيِنْ
مَا وَرُّونَا
مَا قَالُولْنَا
!!.. رَايْحيِنْ وينْ
وَمَا دَامْ
السَّفَرْ يَا يُمّه
مَافِى اللِّيدْ وَ مِتْعزِّرْ
وعُزْرِى شَدِيدْ
وريدى أشَدَّه
يَا يُمَّه
دَا ..سيلَنْ
فِى عَضَاىْ يِهْدِرْ
وانْتِى
تَلُومى يَا يُمَّه
وَ دَايْرة جَوَابْ
يَكُون
إنْ شا الله مِنْ سَطْرينْ
أرَسِّلْ ليكِى
عَادْ
!! بى .. وينْ ..؟
عَِى لُوحْ الزَّمَانْ
يَايُمّه
!!. مَا مَكْتُوبْ عَلاَوِينُنْ
وحَلاَّ لْكُنْ
عَلِى الأبْعَادْ
دِى مَا مَعْروُفه
هَلْ مِنْ طِينْ
وَ الاّ قصُورْ
مِن الإبْرِيزْ
حَدِيدْ مَنْسُوجْ
!!.. دَرَابْزِينُنْ
عَدِيلْ
إحْتِرْتَ فِى أَهَلَنْ
بِقُوا
مَا هُنْ
ومَاَ يَا هُنْ
وشِيتَنْ تَانِى
إخْتلَّتْ مَوَازِينُنْ
قَوانِينْ أرْضَنَا
وَا ..حَسَْره
!!.. مَا عَادَتْ قَوانينُنْ
ونَاسْ
زَىْ ديلَه يَا حَنّينْ
حَنَعْرِفْ كيفْ
!!؟.. عَلاَوِينُنْ
وفُوقْ الفَانْيَة
مَا خَلُّولْنَا
أيّى عَلاَمة
تَبْقَى دَلِيلْ
وايهْ بِيَفِيدْ
ونِحْنِ ننوُحْ
نَجَقْلِبْ
!!.. فُوقْ قُفَاصْ طِينُنْ
سُؤَالْ حَيَّرنْىِ
وَ الأَفْكَارْ
تَفُورْ
فِى جُوفِى تَدَفِّقْ
تَقُولْ تَنوُّرْ
وتَانِى تَفُورْ
!!..مِنْ الخَمَدَتْ بَرَاكِينُنْ
ولَماَّ غَلَبْنَا يَا حَنّيِنْ
ومَا قَادْرينْ
نَدَارِى غُلُبْنَا
مِنْ شِيتَنْ وَرَانَا
نِحِنْ مَاَ شَايْفِنُّه
مَا مَنْظُورْ
يَحِزْ بِى سيفهُ
!!.. فِينَا غَلَبْنا
كُنَّا الحِيره
وَ الحَايْرينْ
وَقَفْنا عَليهَا مَغْلُوبِينْ
ومَغْلُوليِنْ
وَ مَشْدُهِينْ
قُفَاصَةْ طِينْ
نَقُولْ للدِنْيا
!!.. حَالْ الدُّنْيَا يا حَنّينْ
وَلَىْ سَنَتين
أفَكِّرْ فيكى
لاَ كَلّيتْ لاَ مَلَّيت
لَىْ سَنَتينْ
أفكِّر فِيكىِ
فى ضُلْ الزَوَالْ قَاعِدْ
كأنَى كَسِيحْ
بَعِيدْ
مِن نَاسِى مِتْباعِدْ
تَسَابِيحْ
هَايْمَه زَىْ النُّورْ
تَرَفْرِفْ
!!..فِى قَلبْ عَابِدْ
وَأحْقَادْ
الحَيَا ..جَمَدَتء
بِجوُفْ الضُّلْمَة
فى الحَاقِدْ
أنَا يَايُمَّه مَا عَارِفْ
أنَا غَايرْ
معَ الأَغْوَارْ
!!؟..عَلِى ضَهَرْ الرِّيَاحْ صَاعِدْ
أَنَا
يَا يُمَّه يَا حَنِّيِنْ
هَمُودْ
فِى لُجَّةْ المَجْهُولْ
وألاّبَكُونْ
دوى الرعد
فى الراعد
وَحَاتِكْ
إنْتِى مَا عَارِفْ
وَكُلَّ العَارْفُه يا حَنيّنْ
وَحَاتِكْ إنْتِى
لَىْ ســَنَتَيْن
وفىِ ضُل الزَّوالْ قَاعِد
أكُورِكْ
دِيمهَ للدَّاجين
للرَّاحْلِينْ
!!.. عليكم الله يا مسافرين
عندى جواب
فردْ ويحيد
عشان تدوهو
لى واحد
جواب بالليد
بدون عنوان
عشان تدوهو
حد الزين
بنية شيخنا إسماعين
وأصيح يا يمه
زى مصيوب
ومانى شديد
عليكم الله يا الداجين
فرد ويحيد
عشان حنين
!! فرد ويحيد
يا مسافرين
فرد ويحيد
عيونن يمه
مشدوهات
ومشدودات
وما شايفين
وما عارفين
!!.. حكاية الليد
واصيح يا يمه من تانى
وحاتك تانى
!!..تانى جديد
يا الداجين
جواب بالليد
!!.. عديل بالليد
ويضحكوا يمه
زى مصيوب
يخلخل
!!..فى حديد القيد
وانا مبهور
انا مبهوت
!!..ومانى شديد
قعدت ابكى
والفايتين
وحاتك يمه
كان ..فايتين
!!..جوابى أبوهوا..يا حنين
الداجين
!!..الفايتين..الرايحين
يقولوا ليه
لو فكرت
لو شاورت يا مسكين
لو بالليد
ما سافرنا
!!..من الدنيا لو بالليد
لو فى ايد
وعندك ايد
!؟.. ليه سمونا فيها عبيد
تصور
إنه كان فى ايد
وحد الزين تسافر
فى دريبن شين
كدى عاين
وشوف القدرة
!!..كيف بتكتف الليدين

[مها]

حبيناك من قلوبنا

حبيناك من قلوبنا واخترناك يا حلو
ماتبادلونا العواطف ليه تدللو

حبينا فيك العفة والدم الشربات
والله العيون خلتنا في حيرة وآهات
وفي ابتسامتك شفنا جنات وجنات
شوف العلينا واحكم كن داير اثبات

كان الدلال من طبعك وعاجبنا فيك غرور
ان جرت برضك عادل ظلم الجميل مغفور
نهواك نفيك في ريدك شايفين ألمنا سرور
نار الغرام تهاجر لقلوبنا توقد نور

أصلو الجحيم في غرامك نرضا عشان يرضيك
حتى المحال ان درت بنطوعو ونهديك
ارواحنا حولك هايمة حارساك دوام تحميك
بيك نورت أيامن والفرحة تمت بيك

[مها]

اشتقت ليك

اشتقت ليك ساعة المساء فرد الجناح ولملم مصابيح النهار
والكون شرب لون الجراح والعتمة نامت فى الدروب والليل لبس اجمل وشاح
فى اللحظه اشتقت ليك واحتجت ليك
فى اللحظه والناس بتسئل عن بلاد اصلو مامعروفه وين
ياقلبى لى زول بيئن حاضن الاسىء عبر السنين
فى اللحظه ديك اشتقت ليك شوق السحابة الراحلة
فى جوف الشتاء عطشانه تحلم بالخريف بقيت ضعيف
فى اللحظة ديك مديت معابر شوقى ليك
وحنين حنينى الطاغى ليك
كايس مجيك
وداير يجيك
فى اللحظه ديك اشتقت ليك واحتجت ليك

[مها]

الشاعر سيد عبد العزيز
ولد بحى العرب بأمدرمان عام 1900م ذلك الحى الذى كان يعج بالشعر والفن والأدب فقد كان به عبيد عبد الرحمن وعبد الرحمن الريح وأحمد عبد الرحيم العمرى ، وهو صاحب مدرسة متميزة فى الشعر الجزل الرقيق فقد قال الشعر صبياً وأكمل تعليمه الأولى ثم عمل مع الأعراب فى البيع والشراء بزريبة البهائم ، ثم هجر الزريبة وسوق العرب وتعلم صنعة الحديد حتى أًبح ميكانيكاً ماهراً وكان يستقبل دراجته ليتعلم اللغة الانجليزية فى المساء مما أهله ليشق طريقه فى مصلحة النقل الميكانيكي بنجاح وأقتدار وكان يغشى مجالس العلم واللغة العربية فى حلقات المعهد العلمي وكان كثير الإطلاع وحاد الذكاء فجاء شعره لوحات بارعة من الإتقان اللفظى والمعنوى وتتجلى ثقافته وإطلاعه على التراث

[مها]

.

الليلة لاقيتو:


الليلة لاقيتو ملأالسرولا قلبي وبي اسمو ناديتة


لها وانشغل عني لاني غبيتة


دق وخفق قلبي وغلبني تثبيتة


فضلت اتأوة وما قدرت انبيتة


من وقتها وعنها طوالي حبيتة


الليلة لاقيتة


القلبي حباة


وبالشكر واليتة


ما عشقت هندامة وقامتة توالية


انا عاشق اخلاقة وقدرة تجلية


ياليتة يشعر بي ياليتة ياليتة


بالزمة يامدهش وجداني هزيتة


مني الفؤاد بالصد صدعتة وأذيتة


وان حلفوني باسمك عن ضرري عزيتة



لية ودي بالهجران ياحبيبي جازيتة


انا لو ضمنت رضاك كان شخصي هنيتة


وبيك تم لي املي الفي الكون تمنيتة


واقول صريح للناس


يا ناس السعد ظنيتة

عرج
علي بعد ماخلاص العمر افنيتة .

[مها]

باسم الحب:


باسم الحب اقدم ليك حياتي


حياتي ومعاها العطف الجزيل


عليك ياحب تحياتي عليك اوقفت غاياتي


لحبي اضحي بحياتي احب الحب وايامة


وذكرياتة واحلامة حياة الحب بسميها


السعادة بكل معانيها


اقيم ليلاي اغنيها روح ياليل تعال ياليل


احب في كل اوقاتي الاقي حبيبي يوماتي


اقول ليهو ويقول ليا العهود بيناتنا مرعية


اقول ليهو تعال ليا ونجلس جلسة غزلية


امتع فيك عينيا اشوفك وانسي الامي


واقول حققت احلامي علي تميل وعليك اميل


فيك امعنت نظراتي وجدتك كل مسراتي


وافراحي وملذاتي احبك وانسي فيك ذاتي


حبيبي اراعي تقديسك ويرتاح قلبي لحديثك


حديثك يشفي العليل والله ياالسامي وجليل


الحب الصادق قليل البشبة حبي النبيل

فبدون
جميل اهوي الجميل .
___________________________________

[مها]

.

مسو نوركم وشوفو :


مسوا نوركم وشوفو من جبينا صباح


الصباح ان لاح لافايدة في المصباح


هل اتاك حديث الكوكب النضاح


قمرة تمطر خمرة وحارسا الفضاح


لو تحيجنا محاسن الشمس للايضاح


ما بتحيجنا محاسن محيها الوضاح


نور جمالا دهشنا معشر الفصاح


بين ناطق صامت وبين صامت صاح


غانية غانية محاسن فيها شوف ياصاح


الجمال الفيهو كل معني وصاح


تنظر الايات من نور علي الالواح


المعاني الخرد ومنية الارواح


في العيون المرض السحر لأرواح


يجذب الالباب او يفرح النواح


القوام االادن والاريج الفاح


من جسيما الناعم الاثمر التفاح


خلي عقلي وخلي في هواي كفاح


جيش هواها احتل قلعة الاصفاح


روضة غني جمالها يجلب الافراح


وحورها من الجنة فيها تسقيك راح


كل هذا ترأة ما بزيل اتراح


من يحبة تهالك استراح وراح


يسألوني احبابي ما شفيتي جراح


بل شفيتي فؤادي بمدية الجراح


صرت اتلو حديثك في الوجود بصراح


لو تليت بكتابي سميت بالشراح


فيك نظرت مناظر يعلم الفتاح


لو قفلن قلوبنا كان لـهن مفتاح


ادري او لم تدري صرت كاللمتاح


لو رضاك هلكني انا للهلاك برتاح


ما جنيت في هواك وماعلي جناح


اشتكيت للقمري ولم يعيرني جناح


يكفيك لساني الغني ليك وليك كم ناح


لو رثيت بي حياتي ما احتجت لي مناح .

[مها]

حاول يخفي نفسو:


حاول يخفي نفسو وهل يخفي القمر في سماة


ابدا لا..... وطبعا لا


شفناة ........... شفناة


حاول يخفي نفسو وغير اتجاة


سطع النور في افقو وكل انسان رأة


خلنا البدر اشرق كلمل في علاة


وخلنا الزهر فتح من انوار شذاة


جذاب حسنة رائع لادن خلقة مايع


رقص البان مشية تحب تنظر وشية


عيونك تختشية من قوة ضياهو


ومن شــــــــــدة حـياهو


مرة اذا نظرتة ونظرة اليك رناة


قلبك ينشرح لة وترتاح لي لقاة


دون تشعر تحبو وتلهج في ثناة


مرة تقول كبدري ومرة تقول كزهري


مرة تسمي شعري ومرة تعممي سحري


تقلب فية اسما وبرضو تشوفو اسمي


كل وصف تراة اقل من مستواة


مترفع عظيم عالي بعيد فداة


ملأ العين جمالة الزاهي رشح نداة


يلألئ والكواكب تتناثر حداة


فية الحسن اودع ما ملكت يداة


مـفرح وشوفتة تفرح


بتلقاك باسم كالزهر المنسق


في زمـــــــــــن المواسم


تشوف في مقلتية حياة ودلال وتية


واللحظ البجرح والوجد المبرح


انا من دون اصرح لي اصطفاة


وهســـــــــــــة هناك معاة .

[مها]

.

رحلة في طيارة :


حبيبي قلبي حابـ


رحلة بين طيات السحاب


وحدنا انت وانا


حبيبي خاف يوم الذهاب


في بساط الريح المهاب


حبيبي عــــــــاتبني


وبعيونة كان العتاب


وللا حباب لغة العيون ابلغ خطاب


قال يل المس قلبي داب


انا خايف وانت شايف


طوينا الجو طي الحجاب


وبقو لينا ا لانجم قراب


من هنا اهن هنا


جن جنبنا


قلت لية لا تعمل للخوف حساب


عملت ليك اسباب الراحة العجاب


احدث ماعرف الوجود


اشبة بنعيم الخلود الفي الكتب


علشان رضاك وعلشان تقول


واقول معاك انشودة الهوي والشباب


الحب نما وبلغنا اسباب السماء


سبحنا في العلا كالشهاب


ونشوف العالم رهاب


تحتنا ويهتف لنا


يا بختنا انت وانا


عدنا بسلامة الاياب


وبينا ما طال الغياب


من رحلة كانت في هضاب


طي الاثير مع السحاب


وصلنا جيهة معينة


مـــــــــــين زينا


امتزنا بعلو الركاب


اتخذنا الافاق رحاب


واتخذنا الانجم صحاب من ضمننا

شربنا
كاسات الهنا دور منهن ودور مننا .

[مها]

اقيس محاسنك بمن:


اقيس محاسنك بمن


ياالدرة الماليك تمن


نور عيني نور الزمن


ما شفنا في طول الزمن


سواك بدر في داخل كمن


الانوار .... يتزاحمن


في خدودك اخدن امن





ومن فاهك يتبسمن


بروق في بروق يتبسمن


دي الدنيا ام جنة عدن


شفنا ملاك لابس بدن


انسان لكن متفردا


حاز النور حاز اللـــــــــــدن


غصنة مهفهف أمــــــــــلدا


هيبة اسد في عيون شدن


يالجبرة المازجة العجن


جبينك زي فلق الدجن


وجسمك بالطيب انعجن


اذا النسمات بيك عرجن


طباق الجو يتأرجحن


والانفـــــــــس يتهيجن


انت نرجس من الوسن


لعيونها الاعين جسن


وأن اية الحسن الأسن


وغصون الروض يتمايسن


في ذاك الزي الحسن


وكل حسن مالك حـسن


روضك زي عارضين صفن


حلال سحرك ما سحر فن


كواكب النور البلصفن


بصفاتك ما اتوصفن


بدور الكون لو ينصفن


يسجدن ليك مايكون وفن


فيك عيون الرائين يرنمحاسن الحسن ازدرن


ومهما افكارهم يكبرن


زي حسنك ما يعبرن


مع البدرين سيرك سرن


ومن وزنك هن يقصرن .