رواد الفن الاصيل فى السودان

[مها]

انت عارف:


انت عارف انا بحبك وبحلف بك


ولا ماك عارف بالمرة


انت صارف عني مدة وانا خايف تتحدي


انا خــــــــــــــــــايف


متي نبداء.. التعارف والتألف والمودة


ياحبيبي من فضلك جاملني طاوعني


لا تخالف واحدة مرة


انا شايف


انا شايف


المحاسن .. الطرائف في صمتك في كلامك


في عيونك .. في ابتسامك في خديدك في قوامك


انت جالس .. انت ماشي.. انت
واقف...انت نايم


صغير غرير الطرف حالم


ماك عالم...ماك عارف


انا طرفي جفا المنام


ألف الحب والهيام


مع الجمال بالعواطف


في هواكم استمر


متين اصادف رضاك علي وعلي توالف


هواي مناي حياتي حبك بالمحبة


بلاك اشوف النور ظلام


واذوق طعم كل حاجة مرة


زورني مــــــــــــــــــرة


ان رايتك بالقرب مني اسعد اظني


هل تدري اني احس بعظمة وشأن كبير


افرح كتير فرح كبير

واكاد
اطير من الفرحوالأمل احيا واحالف المسرة .

[مها]

يجلي النظر ياصاحي :


يجلي النظر ياصاحي منظر الانسان


الطرفة نايم وصاحي صاحي كالنعسان


في الضئ جبينا النادي والبدر خلان


تجمع لطافة وعفة ونفرة الغزلان


مابين أنة جسيمها الــــلادن الكسلان


يزري الحرير الناعم والفريع الـلان


دعجة ومكحلة خلقة عظمـها الرحمن


بكمال جما الخلقة وشحــها الايمان

جذب
المناظر مننا منظرها الفتان.

[مها]

.صباح النور:


صباح النور عليك يا زهور


صباح يوم يقاس بدهور


ياالزهر الفي رياض وزهور


في خدرك وحسنك مشهور


هلال محياك المابي ظهور


هلال ما هلت متلة شهور


زهر طاهر ما مغرور


علية جناح الرضا مفرور


صباحة سعادة بكل سرور


جمالة يغني علية سرور


نظرتك جالس بين خدور


بدري هناك انكشفو بدور


تفوق نيشان ممتاز في صدور


العظما المثلو اعظم دور


جلالة جلال ملكا منصور


دلالة دلال مقصور في قصور


فية جمال الكون محصور


بديع ما شفت مثلة عصور


يلوح للعين من نورك نور


شعاع الشمس علي البلور


جهرت عيونا كفاك يانور


قلوبنا ميتن في التنور


فريد حسنك ودلك موفور


وانا دمعي يجر مجري البسفور


تزيد في عناد ودلال ونفور


وبرضي اقول ذنبك مغفور


أيا صاحب الطرف المكسور


كسرت قلب شجاع وجسور


تتجاهلني وانا بيك مأسور

حسابي
معاك بقي كلة كسور.

[مها]

ياقائد الاسطول:


ياقائد الاسطول تخضع لك الفرسان


ياذا الفخار والطول ارحم بني الانسان


مين لسماك يطول ما يطولك اللمسان


معناك شرحة يطول والله يا انسان


اصدق كفانا مطول ياذو الحسن احسان


انا عقلي بيك مختول والناس عقول ولسان


ما بنكر المعقول أمنت بالايمــــــــــان


بالطلسم المصقول بدل لخوفي امان


بالنور سحرت عقول كانت صميمة زمان


يامن تحق القول قتل النفوس حرمان


وما الجندي والمكتول وطالب الغفران


من أيدة راح منتول واتوهـــــــــد النيران


فاقد الصواب مبتول مما رأي حيران


اصبح زهر مشتول وفــاح ملأ الجيران


يا علة المعلول كم أومي ليك بنان


كم من اسير مغلول مالاقي في لحظة حنان


يري وعدك المحلول زي حجة الوسنان


والكان سكونة تلول ما ببدلهم بجنان


يا حبيبي كون ممهول وليكون ما كان


الفي غد مجهول والماضي أسمة الكان


نفديك شبا ب وكهول ونبقي ليك اركان


في حبك المأهول ونخدم السكان


ياالفي سماك مفصول تنشاف عيان وبيان


ما عرفنا ليك وصول وما دنيت احيان


انت الخطاك اصول يعلم الديان


مثلت فينا فصول ما بدرسها النسيان .

[مها]

يا انة المجروح:


يا انة المجروح يالروح حياتك روح


الحب فيك يا جميل معني الجمال مشروح


للحب زناد في الجوف زي الزناد مقدوح


منة الجبابرة تلين لصوت بلابل الدوح


وتصاحب النسمات تفضل معاها تروح


بين نغمة الاشواق ومحاسن الممدوح


الناس تحب رؤياك بالخاطر المشروح


يا ملفت الانظار يا بسمة المفروح


وانا اهدي ليك الحب حب من فؤاد مجروح


حب الشحيح للمال حب الجبان للروح


سورية في السودان بحبي ليك ابوح


عنب جناين الشام اتمني منة صبوح


وانشد فؤادي الضال بين الرياض مذبوح


وأري الهلال في ظلال تلك الخميلة يلوح


انا لو ضمنت رضاك اكون سعيد ممنوح


يا من تسر رؤياك تفرح وتنسي النوح


تكسي النهار بجمال خديك جمال ووضوح


منة الغزالة تقيف في موقف المفضوح


من الولة للقاك دمعي الغزير مسفوح


ناقم علي الايام مع انو طبعي صفوح


انا والخيال في جدال وانت بنداك منفوح


كل ما النسيم يغشاك زي الحديقة تفوح


رايق كحيل نعسان انسان رقيق وجموح


ساحر العيون بجمال في سواك ما ملموح


ان كان تميس بنميسان كان تموج بنموج


عدل الطبيعة جعل جور الحبيب مسموح

[مها]

يا مداعب الغصن الرطيب


يا مداعب الغصن الرطيب


في بنانك ازدهت الزهور


زادت جمال ونضار طيب


يا المنظرك للعين يطيب


تبـــــــــــدل الظلمات بنور


وتبــــــــدل الاحزان سرور


ان شافك المرضان يطيب


تعجبني والشئ العجيب


هادئ وعجيب ماك النفور


بي عفتك صنت الصفور


والحسن والاصل النجيب


انا وانت في الروض يا حبيب


راق النسيم وحلي للمرور


بقي احلي من ساعة السرور


وادق من فهم اللبيب


والروضة في موضع خصيب


حضنوها واتالفو النهور


تري فيها انواع الزهور


من كل لون اخدت نصيب


يانع ثمارها ونص طيب


اشبة بربات الخور


الانبرجن في يومحبور


زادن جمال ونضار وطيب


في الروض غني العندليب


ورددوا غناة الطيور


ترتيل اناشيد الحبور


وفتيانها يوم عيد الصليب


دنت الثريا بقت قريب


بين السلوك في تاني دور


في ثانية كم سطعت بدور


وأهلة كان نوعن غريب


شئ ينعش الروح في الاديب


ويحي روح ميت الشعور


للقاك تنشرح الصدور


ويفرح القلب الكئيب .

[مها]

سيـــــــــــــــدة :


سيدة وجمالا فريد خلقوها زي ما تريد


في خديدا وضعو ا الريد


يا من جمالا فريد انا قلبي ليك مريد


شاقيني في تحديد قامة وحزوز في وريد


قط ما برا لو نديد حسنك ووصفو عديد


يا منتهي التجديد دي مراية ولا خديد


يا جاهلة الله شهيد بتملي من الهيد


والفي الصدير فرهيد رمان دا ولا نهيد


يا ناعس عيون الصيد قاتلة وحداها فصيد


يلمع في ضوة تصيدقلبي البقلها قصيد


انا لي فيك نشيد بدرر صفاك مشيد


يوزن ملك جمشيد والفي زمانة رشيد


ما بهم كلام ناس زيد قلي الهلالي اب زيد


يا حيب انت تزيد بالله زيدني وزيد


حبي ..بطل التهديد وحد للهجر تحديد


انا عظمي ماهو حديد بس لية تهجري شديد


هل دا احتفال ام عيد ام جنة غير وعيد


دنا فيها كل بعيد للسيد ح اصلة سعيد


يالسيد ح التاكيد عزك عزيز ما ركيد


فلتحيا دون تنكيد يا اللحسود بتكيد .

[مها]

غصبا عنك:


غصبا عنك يلفت نظرك


مهما تحافظ وتاخذ حذرك


تصبح عاشق غصبا عنك


طعم شوفتة يحلو في نظرك


تفتكرة ملاك انتظرك


في مناظرة يتمتع نظرك


تقول لية ومنشرح صدرك


الحسن كلو اتفصل قدرك


البدر شفناة نورو في بدرك


لما اتطاول قدرو لقدرك


ان يوم في العمر الحظ نصرك


وفي نعيم حسنة اتمتع بصرك


تصبح اسعد ابناء عصرك


وتملا عيون كل من بصرك


انت في قربو تأمن دهرك


يا محظوظ يومك وشهرك


حلو الدنيا يجري في نهرك


وايامك باسمة وزهرك


انت في قربة الناس تعتبرك


الموقف واسعد وابرك


بالنعيم اتوض صبرك

والنعيم العاد في كبرك .

[مها]

الفي دلالو :


الفي دلالو ما اعظم جلالة استحل هلاكي ولي حرم هلالة


الهلال الشغل الناس هلالو الظلام حين شاف محيو انجلالة


نضرة خدودة وبالانوار يلالو راح انفسنا وريحانة لخلالة


المنعم توب العز كسالةمثال
النعمة وما اعظم مثالة


جداول ديسة في وردانة سالو طيبة يعبق كل ماالليل امسالة


شالو فال الناس يتمنو حالة مثالة الباسم وحتي الغيم سحا لة


ومن ضميري حب الغيم محاهنائم وخلي الكان نايم صحالة


المدلل ما اكرم خصالة حسنة وافي ومافي لسان حصالة


عالي سماة بي بعيد وصالة


المحاسن في مراية جمالةرطب قوامة وتمر التية امالة


يتلو قلبك عند قلت شمالة وتدعيلة علية يدوم كمالة .

[مها]

نظــــــــــــــــــــرة :



نظرة ياالسمحة ام عجن
لوكان فليل تبري الشجن


اعرف صفا الايام افيق انظر جمال تلك الوجن


دولات صدودك ما رعن الأم وبي اتدرعن


ابكي واصيح متضرعا يا ناس دموع عيني ترعا


وأحموني مارضني الظعن امالي جور لي قاطعن


احشائي هديل اتقطعن بالفرقة نشابك طعن


يا منبع النور والفطن يالفقتي يعرب والوطن


في جوفي من حبك قطن يا جاهلة مليون الف طن


كيف اسلي عينيك والوجن يالبسمتك نور الدجن


جسمك حرير ناسجة العجن ناضر وباللون انعجن


الضاوية زي خديك مـــــن في الدنيا يانور الزمن


ارواح نسائمك لي رمن نرجس مزح لي مسك اليمن


محلاك ياالجيدك شدن يالعمري فيك ضايع سدن


انا عندي شوفتك يالدن افضل من الروح في البدن


يا منبع الذوق أة يامن حبك غرز في الجوف كمن


يا غالية قط ماليك تمن ان هب او جار الزمن


ليك السلام ما ولعن خديك بالنور يلمعن


وعدد النجوم ما يطلعن يرضيك وبيك بي يجمعن .

[مها]

من حور الجنــــــان :


من حور الجنان ام انت انسان الكمال


هل انت الملاك جيت توري الناس الجمال


سبحان من نشأك حسنة وفي غاية الكمال


يهواك الجنوب ولك ينقاد الشمال


وما اظن يحصو حسنك لو يحصو عدد الرمال


وبأية يقدروك يا ملك ملوك عصر الجمال


سلطان بهجتك محروس بجيوش الجلال


ويغار من صفا حسنك صفا ماء الزلال


في مراية خدودك اشوف تاكيد سحر الحلال


واشوف في سماء حسنك كل يوم يسطع هلال


صفا ماء الجمال في مجال جمالك راق وجال


زي ماء الحياء في عيون ربات الحجال


وما فعل السلاح تفعل عيناك النجال


مكسور الطريف كسر قلبوب الرجال


ياخلاصة المعاني الصار معناك موضع مثال


فوق المحسنات حايز لطف وكرم خصال


الهة الجمال يعترفو ليك ماليك مثال


تتمني البدور تقبيل يداك بامتثال


يا طايل الوريد يااهيف يا اللي خصمة زال


فيك منظر يحنن وفي ك منظر فارس النزال


ليك من الغزالة جبين وقاد وعيون غزال


الحور من مناصبا لي قدرك تكتب نزال


يالغصن الرطيب عاجبني فيك الانهدال


اللادن قوامك من هليت وذو
اعتدال


جوهر حسنك الصافي وسيرك طاهرات عدال


ايات بينات ما فيهن للكفار جــــــدال


شاركت الغمام والموج مناظر
وارتحال


شاركت الظبا نفرتهن والاكتحال


شاركت القلوب في موضعن علي كل حال


تفداك النفوس وفداء النفوس كان المحال .

[مها]

أنا ما معيون — سيد عبد العزيز





أزاى وداوى خدود وعيون



يا ناس .. أنا ما معيون

حليف آلآم وعيونى عيون

دائى عظيم ودواى مصيون

سامى بعيد عن العيون

وانا عقلى بقالو رقيب وعيون

أغنى عليها وأبدى فنون

أفوق الساجعة حنان وجنون

أأمل ليمها الما مظنون

وسيف هجرانها على مسنون

تجدنى مغيب وحولى شجون

كانى اسير فى حب مسجون

أملى بكل قماح معجون

موتى دنى وسببى العرجون

زينة زكية حراك وسكون

تامى جمالها الما ملكون

لو عبرنا صفاتها تكون

هى أول غانية تضوى الكون

عفاف وترف فوق القانون

دلال وسبات وهياب وحنون

فى فاهاه الدر منظوم مكنون

ومدام ومسك وعسل مشنون

ناعمة جسيمها حرير ووهون

طبيعة بطيب الند مدهون

عزيز أرواحنا لذاك يهون

ملى اذا أًبح مهيون

لمكلة جنوده خدود وعيون

لحاظة تخيف قايد المليون

وترهب عنتر ونابليون

ليها سلامي بعد ما يصون

عاشق حب قمر محصون

وبعد ما غنى الطير فى غصون

ببقالها سمير وسرير وحصون

[مها]

مسو نوركم شوفوا المن جبينة صباح
والصباح لو لاح لا فايدة فى المصباح
هل اتلك حديث الكوكب النطاح
قمرة تمطر خمرة حارسا الفضاح
لو تعيرنا محاسن شمس للايضاح
مابتعيرنا محاسن محيها الوضاح
نور جمالا دهشنا معشر الفصاح
بين ناطق صامت بين صامت صاح
غالية غالية محاسن فيها شوق يا صاح
الجمال الفيها..كل معنى صاح
نصدر الايات من نور على الالواح
المعانى الفرد وميتة الارواح
فى العيون المرد والسحر لاواح
تجلب الالباب ويفرح النواح
القوام اللادن والاريج الفاح
من جسيما الناعم الاسمر التفاح
خلا عقلى وخلا فى هواى كفاح
جيش هواها احتل قلعة الاصفاح
روضة غنى جمالا يجلب الافراح
حورا من الجنة تسقيك راح
كل هذا تراه ما بزيل اتراح
من بحبو تهانت واستراح وراح
ياليالى احبابى ما شفيتى جراح
بل شفيتى فؤادى ومدية الجراح
صرت اتلو حديثك فى الوجود بصراح
لو تليت بو كتابى سميت بالشراح
كم نظرنا مناظر يعلم الفتاح
لو قفلنا قلوبنا كانت تكون مفتاح
ادرى ام ما ادرى صرت كالمفتاح
لو رضاكى هلكنا للهلاك نرتاح
ما جنيت بهواى ما على جناح
ه شكيت للقمرى لو يعيرنى جناح
يكفيك لسانى الغنا فيك ليك وناح
لو رثيت بو حياتى ما زلت لى مناح

[مها]

عن الشاعر محمد علي عبد الله (الأمي)
************************************


الشاعر محمد على عبد الله ( الأمى ) ( 1908-1988م ) ولد بحى الركابية بأمدرمان ويمت بصلة القرابة لفنان الجيل خليل فرح وعاش معه فترة من حياته وكان من التقاة الذين اعتمد عليهم البروفيسور الراحل على المك فى تحقيق ديوان خليل فرح .. وكان ترزيا أفرنجيا ماهرا وكان شهما كريما وكانت داره منتدى للشعراء والفنانين وصاغ دررا رائعة فى شعر الحقيبة وانتقل بعمله الى مدينة الأبيض التى قضى بها جزءا كبيرا من حياته ولقد شهدت عاصمة كردفان على أيامه إزدهارا كبيرا فى الشعر والأدب حيث عاصره بها الشاعر الكبير المبدع سيد عبد العزيز وحدباى عبد المطلب ومحمد عوض الكريم القرشى وحميدة أبو عشر. يقول أصدقاؤه ومعارفه أنه كان سريع الإنفعال ومع ذلك صاغ شعرا رقيقا للغاية مثال رائعته التى تغني بها أمير العود حسن عطية ( سألته عن فؤادى). وكان شاعرنا محمد على الأمى يتمتع بروح الدعابة وله الكثير من الاخوانيات.
وكان الأمى مواطنا غيورا زاهد يستبد به الفرح فعندما نال السودان استقلاله عام 1956م صاح زهر الحقول غنى فى روضته الغنا ورقصت غصون البان قوم ودع الالام ماشئت اتمنى عيدكن صبح عيدين بلقاه اتهنى وطنك كسوة السود حرية حرة تسود الا رحم الله الشاعر محمد على الأمى بقدر ما أعطى لبلاده.

[مها]

سألته عن فؤادى
أجابني ما هو عارف
وعن سبب هيامه
أجابني ما هو عارف
عشقته وجماله نظمته فى فنونى
جفانى صدى عنى تركنى لشجونى
اذا تلاشى صبر وترعرت جنونى
واذا أنبرى فؤادى لعهدى ما بخالف
حبيبى يا مدلل بحق صفا كمالك
حرمتنى وصالك وملت عنى مالك
أنا صريع محاسنك وانا أسير جمالك
تعال شوف تعال زفيرى والعواطف
يا فرحة الحزانى ويا زينة المواكب
يا ربرب الخميلة ويا زهرة الكواكب
زمانى جار معاك وهاهو لى ناكب
بعدك الصلانى يادرة المعارف

[مها]

هواك وهواي ~ الشاعر محمد علي عبدالله ( الأمي )
***********************************************

هواك وهواي بي جاروا وسبن أفكـاري نظراتـك
أحب تعطف تزيل وجدي وأحب كل البحب ذاتك
بحب لونك بحب لونك بحب يـا حبـي نفحاتـك
بحب فى خدك الزهرة وبخـاف ترمينـي لمحاتـك
أخاف صدك بخاف جورك وأحب تتهنى بحياتـك
بحبك حبي للعافية وكمان يـا سيـدي وحياتـك
بحب فيك الحيا الفطري ويذوب من حالي صيحاتك
إذا في حبكم ضعـت واذا أقبـر فـى ساحاتـك
أكون للحظ دوام شاكر وأقبل أنـت راحاتـك
أحب أنظر جمال محياك وأخاف تسحرني بسماتـك
وأخاف لحظك يجرحني واحب تسكرنى بسماتـك
وأحب طيفك يآنسني وأحب تسمعنـي نغماتـك
وأخاف هجرك يطول بي وأخاف تحرمني كلماتك
منعم يا فريد عصرك سعيـد وسعيـده ساعاتـك
مكمل يا نزيه صافي وعفافك فطـري مـا فاتـك
وديع وبديع مثال رقة حشيم والريم هوى صفاتك
أنرت فؤادى يا ضامر ودمعي خضاب فى كفاتـك
زيد يا دمعي فى سيلك وزيد يا صـدري زفراتـك
حبيبك ودعك راحل زيد يـا طرفـي عبراتـك
حمام الأيك حـن مـره تعـال أسمعنـي نبراتـك
طربت أم در مقر أملي زمـان كفـاي عباراتـك

[مها]

مابخاف من شئ برضي صابر
المـــقـــــــدر لابــد يكـــــــون

ان أتاني الهم جيشـــه دافر
يلقى ياخلاي صـــبري وافــر

يلقـــى عزمي التام ليه خافــــر
ويلقى قلبي شجاع وما جبون

بالعــــداء معـــــروف ما ببادر
ومابخــون الجار ماني غادر

وما بقــول للناس متلــــي نادر
بل بقـــول للخالـــق شـؤون

ما عصـيت مولاي ماني فاجر
لا ولا بالعــــالم بتــــاجــــــر

نفسي يا أحباب ليها زاجـــــــر
لم أكن كل يــــــــوم لي لون

الثبات معروف لي معاصـــر
لو بقيت في داخل معاصر

والإله غـــــير شــك لي ناصر
رغم انف الواشي الخؤون

قول لشاهد الزور فـيما ســايـر
هدي روعك قبل الخساير

ياما قبــــلك عمـــــيت بصايــر
من لساني وقولي الهتون

قول لأهـل الجـور والمساخر
مافـــي أول ما ليهو آخــر

مابــدوم العـز والمفاخـــــر
وما بدوم الظل والحصون

وما جحدت الخير ماني كافر

عن سبـــيل الحق مانــــي نافر
وما ضمرت السوء ماني حافر
للصديق هاويات الســـــجون

[مها]

زرعوك فى قلبى


زرعوك في قلبي
يا من كساني شجون
و رووك من دمي
يا اللادن .. العرجون

يا الباسم الهادي
نورك سطع.. هادي
وماذا أقول
في سناك ..
فيك الدلال .. عادي
وماذا أقول؟؟
شايقاني فيك قامه
سمحة ومليحة لون
وعاجباني فيك بسمه
وساحراني فيك عيون

أنا في انتظار عطفك
مرت عليّ سنين
أسعدني بنظره
وخليك علىَّ حنين

في حسنك الفردي
ياما نظمت فنون
هيهات أسلو هواك
مهما اعتراني جنون
أنا لي لقاك صادي
لو في الخيال راضي
خصمي هواك يا وديع
من يا تري القاضي

[مها]

مستحيل عن حبك أميل

مستحيل عن حبك اميل
وصافي حبي فيك ما عميل
ليك في قلبي روضه و خميل
يا فريع البان الجميل
ميل و خلي العالم يميل
مستحيل عن حبك اميل
اساهر الليل انا يا جميل

وكيف اطيق من بعدك بعاد
و مرة هجري و مرة البعــاد
ليت طيفك يرجع يعاد
يبقى صادق يوفي الميعاد
مستحيل عن حبك اميل
اساهر الليل انا يا جميل


انا الغيث الفرج الهموم
انا الساقي الحساد سموم
و انا الكايد اعدائي عموم
مستحيل عن حبك اميل
اساهر الليل انا يا جميل

[مها]

سألته عن فؤادي
محمد على عبدالله (الأمي)

سألته عن فؤادى وعن سبب هيامه
أجابني ما هو عارف
عشقته وجماله نظمته فى فنونى
جفانى صدى عنى تركنى لشجونى

اذا تلاشى صبري وترعرت جنونى
واذا أنبرى فؤادى لعهدى ما بخالف

حبيبى يا مدلل بحق صفا كمالك
حرمتنى وصالك وملت عنى مالك
أنا صريع محاسنك وانا أسير جمالك
تعال شوف تعال زفيرى والعواطف

يا فرحة الحزانى ويا زينة المواكب
يا ربرب الخميلة ويا زهرة الكواكب
زمانى جار معاك وها هو لى ناكب
ببعدك الصلانى يا درة المعارف

جمالك المكمل لهانى عن سواك
وتيهك او دلالك رمونى فى هواك

حبيبي أنت دائي ومين يكون دواك
أظن عفوك عنى ورضاك لى يوالف

أهوى الذى أضنانى وغزانى بى نباله
ولا سأل فى حالى ولا خطر بباله
يرانى أو أراه وأقيف ذليل قباله
واقوله أنت سيدى وفيم عنى صارف